Stotr 94:1-23

  • Jehovan sudd gheuncho mhunn tachea lagim kel’lem magnnem

    • ‘Noxtte kednam poriant khuxalkai monoit ravtole?’ (3)

    • Jah xist dita tednam khuxalkai melltta (12)

    • Dev aplea lokank soddun diunchona (14)

    • “Kaideachea nanvan zulum korpacheo ievzonneo kortat” (20)

94  Sudd gheupi Deva, Jehova,Sudd gheupi Deva, tuzo uzvadd fankoi!  2  Prithumechea Neai Korpea, utth. Gorvixttank tanchea kamam pormonnem khast di.  3  Jehova Deva, noxtte kednam poriant khuxalkai monoitole,Kednam poriant te khuxalkai monoit ravtole?  4  Te boddboddot ravtat ani gorvan uloitat,Vaitt kamam korpi sogle apleach vixim boddai martat.  5  Jehova Deva, te tujea lokank maddoun uddoitat,Ani tuje daiji asloleancher zulum kortat.  6  Te vidvek ani pordexi munxak jivexim martat,Ani bapui naslolea bhurgeancho jiv kaddttat.  7  Te mhunnttat: “Jah polloina,Jakobacho Dev hacher dhean dina.”  8  Somjikai naslolea lokamno, hem somzon gheiat,Murkh lokamno, tumi kholaiechi somjikai kednam dakhoitole?  9  Jea Devan kan kele to aikonk xokona kai? Jea Devan dolle kele to pollounk xokona kai? 10  Zo Dev raxttrank sudhraita to tumkam sudhraunk xokona kai? Lokank ginean diupi toch zaun asa! 11  Jehova munxanchim chintnam zannam,Te fokot ek svas mhunn to zannam. 12  Jah, to munis khuxal, zaka tum sudhraita,Zaka tum tujea kaidea thaun xikoita, 13  Noxttea pasot fondd khonnun zaina tea meren,Tum tea munxak sonkoxttachea disamnim xanti dita. 14  Jehova aplea lokank soddun diunchona,To aplem daiz soddun diunchona. 15  Karonn porot ek pavtt nitivontponnacho neai zatolo,Ani promannik kallzache sogle lok tem manun ghetole. 16  Mhojea pasot noxttea add konn ubo ravtolo? Mhojea pasot vaitt kortat tachea add konn ubo ravtolo? 17  Jehova mhozo modot korpi naslo zalear,Mhozo rokddoch nas zaun voitolo aslo. 18  “Mhozo paim nisorta,” oxem hanvem mhunnttlem tednam,Jehova Deva, tuzo visvaxi mog mhaka samballit ravlo. 19  Hanv uskeamnim* buddlom tednam,Tunvem mhaka bhuzvonn ani khuxalkai dili. 20  Kaideachea* nanvan zulum korpacheo ievzonneo kortat,Tea broxttacharachea xinvasona* lagim tuzo koslo-i sombond asonk xokta kai? 21  Nitivont munxacher te bhirankull toren akromonn kortat,Ani niropradi asloleacher mornnachem formonn martat.* 22  Punn Jehova mhojea pasot ek surokxit asro* zatolo,Mhozo Dev mhojea pasot asro diupi khoddop zaun asa. 23  To tanchim noxttim kamam porot tancheruch haddttolo. Tanchea vaitt kamam udexim to tancho nas korun uddoitolo.* Amcho Dev Jehova tancho nas korun uddoitolo.*

Footnotes

^ Vo “Hanv tras korta toslea chintnamnim.”
^ Vo “Hukumachea.”
^ Vo “broxtt odhikaream; broxtt neai korpeam.”
^ Utran utor, “Ani niropradeachem rogot guneanvkari (noxttem) mhunn tharaitat.”
^ Vo “surokxit unch zago.”
^ Vo “to tankam vogi kortolo.”
^ Vo “to tankam vogi kortolo.”

Copyrights for this publication