Stotr 95:1-11

  • Khori bhokti korop, toxench adnea pallop

    • “Aiz tumi tacho avaz aikotat zalear” (7)

    • “Tumchem kalliz nibor korinakat” (8)

    • “Tim mhojea visovant bhitor sorchimnant” (11)

95  Ieiat, ami khuxalkaien Jehovak vakhannum-ia! Amchea taronn diupi Khoddpacho vhoddlean zoizoikar korum-ia.  2  Ieiat, ami tachea mukhar* vochon tache upkar attoum-ia,Ami tachea pasot git gaum-ia ani tacho vhoddlean zoizoikar korum-ia.  3  Karonn Jehova ek vorto Dev zaun asa,Soglea devam modem to ekloch vorto Raza zaun asa.  4  Prithumechea kholaiek aslole zage tachea hatant asat,Porvotacheo tengxeo tacheoch.  5  Doria tachoch, tannench to kela,Suki zomin tannem aplea hatamnim kelea.  6  Ieiat, ami tachi bhokti korum-ia, tachea mukhar man bagoum-ia,Jehova amchea Rochnnara* mukhar ami dimi ghalum-ia.  7  Karonn to amcho Dev,Ani ami tachea chorvachea molla voile lok,Ami tim menddram, zanchi to kallji gheta.* Aiz tumi tacho avaz aikotat zalear,  8  Tumchea purvozamnim Meribant* kelʼlem toxem,Ani Masachea* disamnim ranvott vattarant kelʼlem toxem tumi tumchem kalliz nibor korinakat,  9  Tea vellar tannim mhoji porikxa kelʼli,Mhojim kamam polloun pasun tannim mhoji porikxa keli. 10  Mhaka 40 vorsam poriant tea pillgechi vitt aili, ani hanvem mhunnttlem: “Te osle lok, zanchem kalliz sodanch bhottokta,*Ani tannim mhojeo vatto vollkhon gheunk nant.” 11  Taka lagon, hanvem ragan soput ghetlo: “Tim mhojea visovant bhitor sorchimnant.”

Footnotes

^ Utran utor, “tondda mukhar.”
^ Vo “Ghoddnnara.”
^ Utran utor, “Ami tachea hatachim menddram.”
^ Hacho orth “Zhogddop.”
^ Hacho orth “Porikxa.”
^ Vo “hanga-thoim voita.”

Copyrights for this publication