Stotr 24:1-10

  • Mhoimevont Raza darvontteantlean bhitor sorta

    • ‘Prithum Jehovachi’ (1)

Davidachem songit. 24  Prithum ani ticher asa tem soglem Jehovachem,Folladik zomin ani ticher ravtat tim soglim tachinch.  2  Karonn tannem doriacher tichi buniad ghatli,Ani tika nhoim-encher ghott stapon keli.  3  Jehovachea porvotar konn choddon vochonk xokta,Ani tachea povitr zagear konn ubo ravonk xokta?  4  Konnui munis, zache hat niropradi asat ani zachem kalliz xudʼdh asa,Zannem mhojea jivacho* khotto soput gheunk na,Toxench zannem dusreank fosounk soput gheunk na.  5  Oslea munxak Jehova koddlean besanvam mellttolim,Ani taronn diupi tachea Devachea nodren to nitivont zatolo.  6  Devak sodhtoleanchi pillgi hi zaun asa,Jakobachea Deva, he tech lok je tuji maniotai melloun gheunk* sodhtat. (Selah)  7  Darvontteamno, tumcheo tokleo ubarat,Adlea kalla voilea daramno, uktim zaiat,*Jea udexim mhoimevont Raza bhitor soronk xoktolo!  8  Ho mhoimevont Raza konn? Jehova, zo bollixtt ani xoktivont asa,Jehova, zo xoktivont zhuzari zaun asa.  9  Darvontteamno, tumcheo tokleo ubarat,Adlea kalla voilea daramno, uktim zaiat,Jea udexim mhoimevont Raza bhitor soronk xoktolo! 10  Ho mhoimevont Raza konn? Ho mhoimevont Raza, Fouzancho Dev Jehova zaun asa. (Selah)

Footnotes

^ Hanga Jehovachea jiva vixim sanglam, zacho munis soput gheta.
^ Utran utor, “je tujem tondd.”
^ Vo “daramno, utthat.”

Copyrights for this publication