Stotr 26:1-12
Davidachem git.
26 Jehova Deva, mhozo neai kor, karonn hanv guneanvam mekllom* cholʼlam.
Hanvem Jehovacher visvas dovorla, mhozo visvas halonk na.
2 Jehova Deva, mhaka topasun polloi ani mhoji porikxa kor,Mhojim kholaiechim chintnam* ani mhojem kalliz xudʼdh kor.
3 Karonn tuzo visvaxi mog sodanch mhojea mukhar asa,Ani hanv tujea sotan choltam.
4 Fosoitat toslea munxancho hanv sangat dovorna,*Ani dhongeam thaun hanv pois ravtam.*
5 Vaitt munxanchea sangatacho hanv dves kortam,Ani noxtteancho sangat dovrunk* hanv nakartam.
6 Jehova Deva, hanv niropradi asam hem dakhounk mhoje hat dhuitolom,Ani tujea vedi bhonvtonnim hanv* bhonvddi martolom.
7 Vhoddlean tuji vakhannʼnni korunk,Ani tujea soglea ojapachea kamam vixim kollounk, hanv oxem kortolom.
8 Jehova, tum ravta tem ghor mhaka avoddtta,Tuji mhoima asa tea zageacho hanv mog kortam.
9 Patkeam sangata mhaka-i zhaddun uddoinaka,Toxench, hinvsa korpi* munxam sangata mhozo jiv kaddinaka.
10 Tanche hat lojechim kamam kortat,Ani tancho uzvo hat lonch gheta.*
11 Punn hanv zalear, guneanvam mekllom* choltolom.
Mhaka vanchoi* ani mhaka doia dakhoi.
12 Hanv ek-sarke* zomnir ubo asam,Vhoddle sobhent* hanv Jehovachi vakhannʼnni kortolom.
Footnotes
^ Mhunnche, purnn toren bhokti korpi. Inglez bhaxent “integrity.”
^ Vo “kholaiechim bhavnam.” Utran utor, “kiddni.”
^ Vo “munxam sangata hanv bosona.”
^ Vo “Ani apunn kosle munis tem lipoitat, tosleam sangata hanv meter zaina.”
^ Vo “noxtteanchea sangata bosonk.”
^ Vo “hanv tuji bhokti korunk.”
^ Vo “Toxench, rogot varoupi.”
^ Vo “Ani zankam lonch gheunk avoddtta.”
^ Mhunnche, purnn toren bhokti korpi. Inglez bhaxent “integrity.”
^ Utran utor, “soddoi.”
^ Vo “sopatt.”
^ Utran utor, “Zomatimnim.”
