Stotr 84:1-12
Mukhel songitkarak; Gititha* vixim nirdexon. Korachea putanchem git. Ek songit.
84 Fouzanchea Deva Jehova,Tuzo vorto tombu kitlo mhunn sobit!*
2 Jehovachea angnnant vochonk,Mhozo akʼkho jiv anvddeta,Hoi, mhozo akʼkho jiv axeta.
Mhojem kalliz ani mhojem mon jivea Deva pasot khuxalkaien gaita.
3 Fouzanchea Deva Jehova,Mhojea Raza ani mhojea Deva,Tujea vortea vedi lagim suknnim aplem ghor kortat,Lhan suknnem* thoim aplo ghontter bandun,Aplea bhurgeancho samball korta.
4 Tujea ghorant ravtat tim khuxal!
Tim tuji vakhannʼnni korit ravtat. (Selah)
5 Te munis khuxal, zankam tujea thaun boll melltta,Zanchem kalliz tujea ghora sorxim voitolea vatter asa.
6 Baka* Falkeantlean pasar zatana,Tankam tem falkem zhorimnim bhorlolea zagea bhaxen dista,Ani survatecho paus taka besanvamnim nettoita.*
7 Te cholot ravtole, torui tanchi xokti unni zaunchina,Tanchea modlo dor eklo Sionant Deva mukhar ubo ravta.
8 Fouzanchea Deva Jehova, mhojea magnneak kan di,Jakobachea Deva, mhojem aik. (Selah)
9 Amche ddhali ani amchea Deva, polloi,*Tujea makhloleachea tonddar nodor mar.
10 Karonn anik khoinsorui hozar dis sarchea poros, tujea angnnamnim ek dis sarop chodd borem!
Noxtteanchea tombumnim ravchea poros,Hanv mhojea Devachea ghorachea umbrear ubo ravonk vinchun kaddttolom.
11 Karonn Jehova Dev amcho suria ani amchi ddhal zaun asa,Toch amkam maniotai ani mhoima dita.
Jim guneanva mekllim ravtat,Tanchea thaun Jehova koslich bori vost addaun dovorchona.
12 Fouzanchea Deva Jehova,Tujer visvas dovorta to munis khuxal.
Footnotes
^ Xobdhkox polloi.
^ Vo “tombu mhaka khub mogacho.”
^ Hem suknnem choddxe pavtt ghorancher ani bilddingencher aplo ghontter bandta. Inglez bhaxent “swallow.”
^ Vo “Baka jhilkuttachea.”
^ Vo ghoddie, “Ani xikoupi besanvanchi nhesonn nhesta.”
^ Vo ghoddie, “Deva, amchea ddhali koddem polloi.”
