Stotr 70:1-5
-
Begin modot kor mhunn kelʼli vinoti
-
“Mhojea pasot begin panvl ghe” (5)
-
Mukhel songitkarak. Ugddasa pasot* Davidachem git.
70 Deva, mhaka salvar kor,Jehova Deva, mhaka modot korunk begin ieo.
2 Mhozo jiv kaddunk sodhtat te,Lojek poddom ani tancho opman zaum.
Mhojer sonkoxtt ieta tednam je khuxal zatat,Te lojen pollon vochom.
3 Mhojim fokannam korun, “Borem zalem! Borem zalem!” oxem mhunnttat,Tanchi loz zaum ani te porot vochom.
4 Punn tuka sodhtat tim,Khuxal zaum ani sontosbhorit zaum.
Taronn diunk tunvem kelʼlea kamancho jim konn mog kortat tannim sodanch oxem mhunnom:
“Devachi mhoima zaum!”
5 Punn hanv adar naslolom ani gorib,Deva, mhojea pasot begin panvl ghe.
Mhaka modot korpi ani mhaka vanchoupi tunch,Jehova Deva, vell korinaka.
Footnotes
^ Vo “Ugddasak haddunk.”
