Stotr 36:1-12
Mukhel songitkarak. Jehovacho sevok Davidachem git.
36 Noxttea munxache oprad tachea kallzachea kholaiek thaun tachea lagim uloitat,Tachea dolleamnim Devachi matui bhirant na.
2 Noxtto apleakuch aplea nodrent itlo voir kaddtta kiAplo guneanv vollkhonk ani tacho dves korunk to pavona.
3 Tachea tonddantlean dukhoita toslim ani fosoita toslim utram bhair sortat,Borem tem korunk to matxi pasun kholaiechi somjikai dakhoina.
4 Khattir astana pasun to vaitt manddnneo kaddtta.
To chukichea vatter cholta,Vaitt asa tem nakarna.
5 Jehova Deva, tuzo visvaxi mog mollba meren pavta,Tujem visvaxiponn kupam meren pavta.
6 Tujem nitivontponn unch-unch porvotam* bhaxen asa,Tuje nirnnoi vhoddlea khol doria bhaxen asat.
Jehova Deva, tum munxak, toxench zonvarak, dogainkui samballtta.*
7 Deva, tuzo visvaxi mog kitlo moladik!
Tujea pakhotteanchea savllent munxache put asro ghetat.
8 Dhadoxi zaisor te tujea ghorantleo ekdom boreo vostu* pietat,Ani tujea khuxalkaien bhoron votʼta tea zhorintlean tum tankam pieunk dita.
9 Tujea thaim jivitachi zhor asa,Tujea uzvaddant amkam uzvadd dista.
10 Tuka vollkhotat tankam tuzo visvaxi mog,Ani promannik kalliz asloleank tujem nitivontponn dakhoit rav.
11 Gorvixtt munxak, tachea paim-an mhaka maddounk dinaka,Vo noxttea munxak, tachea hatan mhaka dhanvddaunk dinaka.
12 Polloi, vaitt kortat te poddleat,Tankam oxe toren sokol uddoileat ki tanchean utthonk zaina.
