Stotr 59:1-17

  • Dev, ek ddhal ani ek asro

    • ‘Ghat kortoleanchi kakut korinaka’ (5)

    • “Hanv zalear, tujea bolla vixim git gaitolom” (16)

Mukhel songitkarak; “Nas Zaunk Dinaka” hea surar gaunchem. Davidachem git. Miktam.* Hem git tea vella voilem jednam Davidak marun uddounchea pasot Saulu aplea munxank tachea ghoracher nodor dovrunk dhaddtta. 59  Mhojea Deva, mhaka mhojea dusmanam thaun vanchoi,Mhojea add ube ravtoleam thaun mhoji rakhonn kor.  2  Noxttim kamam kortoleam thaun mhaka vanchoi,Ani krur* munxam thaun mhaka salvar kor.  3  Polloi! Mhozo jiv kaddunk te lipon bostat,Bollixtt munis mhojer akromonn kortat,Punn Jehova Deva, hanv tanchea add vochonk na vo hanvem koslench patok korunk na, tori astana te oxem kortat.  4  Hanvem kainch vaitt korunk na, tori astana te mhojer akromonn korunk dhanvon ietat,Mhozo ulo aikon utth ani polloi.  5  Karonn tum, fouzancho Dev Jehova, tum Izraelacho Dev zaun asa. Zago zav ani soglea raxttrancher dhean di. Noxtteponnan ghat kortoleanchi matxi pasun kakut korinaka. (Selah)  6  Te dor disa sanjeche ietat,Sunneam bhaxen gurgurtat,* ani xikar dhorunk akʼkhea xarant bhonvtat.  7  Tanchea tonddantlean kitem bhair sorta tem polloi,Tanche vontt tolvari bhaxen asat,Karonn te mhunnttat: “Konn aikota?”  8  Punn Jehova Deva, tum tankam hanstolo,Soglea raxttrancheo tum moskoreo kortolo.  9  Mhojea Bolla, hanv tuji vatt polloitolom,Karonn Dev mhozo surokxit asro.* 10  Mhaka visvaxi mog dakhoita to Dev mhojea modotik ietolo,To mhaka mhoje dusman hartat te dakhoitolo. 11  Tankam jivexim marinaka, na zalear mhoje lok hem visortole. Tuje xokten tankam hanga-thoim bhottkonk sodd. Jehova Deva, tum amchi ddhal zaun asa, tankam sokol uddoi. 12  Te apleach tonddan, aplea vonttamnim patok kortat,Te apleach gorvan fasak sampddom,Karonn te lokank xirap ditat ani tankam fosoitat. 13  Tujea krodhan tankam kabar korun uddoi,Tankam kabar korun uddoi, jea vorvim te nanch zatole. Jakobacher ani prithumechea konnxea-konnxea meren Dev raj choloita mhunn tankam kollom-di. (Selah) 14  Tankam sanjer porot ieum-di,Tankam sunneam bhaxen gurgurom-di,* ani xikar dhorunk akʼkhea xarant bhonvom-di. 15  Tankam jevonn sodhunk hevtten-tevtten bhonvom-di,Tankam pottbhor khaunk, vo tokli tenkounk zago mellona zaum. 16  Punn hanv zalear, tujea bolla vixim git gaitolom,Sokallim hanv khuxalkaien tujea visvaxi moga vixim sangtolom. Karonn tum mhozo surokxit asro,Ani sonkoxttachea vellar pollon vochonk, tum mhojea pasot ek zago. 17  Mhojea Bolla, hanv tuji vakhannʼnni korunk gitam gaitolom,*Karonn Dev mhozo surokxit asro, zo mhaka visvaxi mog dakhoita.

Footnotes

^ Xobdhkox polloi.
^ Vo “rogtak tanelʼlea.”
^ Vo “bhunktat.”
^ Vo “surokxit unch zago.”
^ Vo “bhunkom-di.”
^ Vo “gitam gaun songitachim sadhonam vazoitolom.”

Copyrights for this publication