Stotr 19:1-14
Mukhel songitkarak. Davidachem songit.
19 Mollob Devachi mhoima kolloita,Ontrall* tachea hatachim kamam porgott korta.
2 Dor disa tanchim utram zhorintlea udka bhaxen ghos-ghoxit vhanvtat,Ani dor rati tim ginean ugddapem kortat.
3 Tanchem ulovop na, tanchim utram-i nant,Tancho avaz aikonk iena.
4 Tori astana tancho avaz* akʼkhea prithumer pavla,Ani tancho sondex prithumechea konnxea-konnxea meren gazla.
Devan mollbar suria pasot tombu ubarla.
5 To* aplea rumantlean bhair sortolea novrea bhaxen asa,Eka xoktivont munxa bhaxen asa, zo dhanvddent dhanvonk umedin bhorla.
6 To mollbachea eka ponta thaun voir sorta,Ani dusrea ponta meren bhonvddi marta,Tachea gorme thaun kainch lipona.
7 Jehovacho kaido poripurnn, to jivan-jiv haddtta.
Jehova jem lokanchea ugddasak haddtta tem visvas dovorpa sarkem, tem onnbhov nasloleak zannvaiecho korta.
8 Jehovache hukum nitiche, te kallzak khuxalkai haddttat.
Jehovachi adnea nitoll, ti dolleank uzvadd dita.
9 Jehovachi bhirant xudʼdh, ti sodankal togta.
Jehovache nirnnoi khore, te purnn toren nitiche asat.
10 Te bhangra poros moladik,Zaitea xudʼdh* bhangra poros moladik,Ani te mhonva poros godd, pollientlean vhanvta tea mhonva poros godd.
11 Tanchea vorvim tujea sevokak xittkaunni melltta,Te pallʼllolean vhodd inam melltta.
12 Apleo svotacheo chuki konnank distat?
Hanvem nokllo astana jim patkam keleant tim bhogsun mhaka niropradi tharai.
13 Ani tujea sevokak gorvixtt* kamam korunk dinaka,Tankam mhojer odhikar cholounk dinaka.
Tednam hanv guneanv naslolom zatolom,*Ani gombhir patkam* thaun niropradi zaun urtolom.
14 Jehova Deva, tum mhojem Khoddop ani mhozo Soddoupi,Mhojea tonddantlean bhair sortat tim utram ani mhojea kallzachim chintnam tuka manvololim zaum.
Footnotes
^ Vo “Mollob.”
^ Vo ghoddie, “tanchi mezpachi dori.”
^ Mhunnche, suria.
^ Vo “borea.”
^ Hebrev bhaxent hea mull utrachea orthant, aplea xime bhair vochon, koslich bhirant nastana chintop ani vagop, ani apleak korunk odhikar na tem korunk fuddem sorop hem-ui mellon asa.
^ Utran utor, “hanv purnn astolom.”
^ Vo “Ani zaitea opradam.”
