Stotr 20:1-9

  • Devachea makhlolea razak taronn

    • Thodde rothancher ani thodde ghoddeancher patietat, ‘punn ami Jehovachem nanv ghetat’ (7)

Mukhel songitkarak. Davidachem songit. 20  Sonkoxttachea disa Jehovan tujea magnneacho zobab dium. Jakobachea Devak tum nanvan ulo korta tednam to tuji rakhonn korum.  2  Povitr zagear thaun to tuka modot dhaddum,Ani Siona thaun tuka samballum.  3  Tujeo sogleo denneacheo bhetto to ugddas korum,Tuji hulpailʼli bhett to khuxalkaien* manun gheum. (Selah)  4  Tuje kallzache anvdde to purnn korum,Ani tujeo sogleo ievzonneo* sufoll korum.  5  Tujea taronn diupi kamank lagon ami khuxalkaien bob martolim,Ami amchea Devachea nanvachi vakhannʼnni kortolim.* Jehovan tujeo sogleo vinoteo purnn korum.  6  Jehova aplea makhloleak salvar korta mhunn atam mhaka kollon ailam,To taka aplea povitr sorgar thaun zobab dita. Aplea xoktivont uzvea hatan to taka taronn* dita.  7  Thodde rothancher ani thodde ghoddeancher patietat,Punn ami amchea Devachem, Jehovachem nanv gheun ulo martat.  8  Te harleat ani sokol poddleat,Punn ami utthon thir ube asat.  9  Jehova Deva, razak salvar kor! Ami taka ulo martole tea disa to amkam zobab ditolo.

Footnotes

^ Utran utor, “chorbi mhunn.”
^ Vo “tuje sogle udʼdhex.”
^ Vo “korunk khunna ubartolim.”
^ Vo “zoit.”

Copyrights for this publication