Stotr 14:1-7

  • Murkha vixim sanglam

    • “Jehova mhunnttlolo nanch” (1)

    • “Konnuch borim kamam korina” (3)

Mukhel songitkarak. Davidachem git. 14  Murkh* aplea kallzant mhunntta: “Jehova mhunnttlolo nanch.” Tanchim kamam broxtt ani tanchi vagnnuk vitt haddtta tosli asa,Konnuch borim kamam korina.  2  Punn kholaiechi somjikai dakhoupi, ani Jehovak sodhpi konnui asa kai mhunn,Jehova sorgar thaun munxachea putank polloita.  3  Te sogle sarke vatte voile koddsorleat,Te sogle broxtt zaleat,Konnuch borim kamam korina. Eklo pasun korina.  4  Vaitt kamam kortoleam modem somjikai aslolo eklo pasun na kai? Unddo khatoleam bhaxen te mhojea lokank khaun uddoitat. Te Jehovak ulo marinant.  5  Punn te samke bhirantin bhortole,Karonn nitivont lokam* sangata Jehova asa.  6  Vaitt kamam kortoleamno, tumi goribacheo ievzonneo fiskottaun uddouncho proitn kortat,Punn Jehova tacho asro zaun asa.  7  Izraelachem taronn Siona thaun ieum! Jehova aplea koidi aslolea lokank ektthaim korun porot haddttolo tednam,Jakob khuxal zaum, ani Izrael sontosbhorit zaum.

Footnotes

^ Vo “Ginean naslolo.”
^ Vo “nitivontanchea pillge.”

Copyrights for this publication