Stotr 17:1-15
Davidachem magnnem.
17 Jehova Deva, neai-a pasot hanvem kelʼli vinoti aik,Hanv modoti pasot roddttam tacher dhean di,Mhojem magnnem aik, karonn mhojea vonttancher khotteponn na.
2 Sarko nirnnoi gheun tunvem mhaka neai dium,Sarkem asa tem tujea dolleank disom.
3 Tunvem mhojem kalliz topaslam, ratchea vellar tunvem mhaka parkhun polloila,Tunvem mhaka xudʼdh kela.
Hanvem koslich vaitt manddnni korunk na,Ani mhojea tonddan kosloch oprad korunk na mhunn tuka kollon ietolem.
4 Munxachim kamam koslim-i asum,Tujea tonddantlean bhair sorlolea utra pormonnem, hanv choranchea vatte thaun pois ravtam.
5 Mhoje paim addkhollna zaunk,Mhojim panvlam tujea vatter urom-di.
6 Deva, hanv tuka ulo martam, karonn tum mhaka zobab ditolo.
Mhaka kan di.* Mhojim utram aik.
7 Tujea add voitolea munxam thaun pollon vochon, je konn tujea uzvea hata khala asro ghetat,Tancho tum Salvar Korpi zaun asaTankam tum ojapachea ritin tuzo visvaxi mog dakhoi.
8 Tujea dolleache bavle bhaxen mhoji rakhonn kor,Tujea pakhotteanchea savllent mhaka lipoi.
9 Mhojer akromonn kortat tea noxttea munxam thaun mhaka rakh,Mhaka gherav ghaltat tea mhojea dusmanam thaun mhaka rakh, je ek-na-ek dis mortole.
10 Tannim aplim kallzam dharun keleant,Gorvan bhoron te vhoddlem-vhoddlem uloitat,
11 Atam te amkam soglea vattamnim gherav ghaltat,Amkam sokol* uddounk tankam kednam sondhi mellttoli kai mhunn te vatt polloitat.
12 Dor eklo oslea eka xinva bhaxen asa zo aplo xikar pinzun tache kuddkean-kuddke korunk toiar asa,Eka oslea tornattea xinva bhaxen zo jhilkuttamnim boson, lipon vatt polloit asa.
13 Tacho fuddo korunk ani taka sokol haddunk, Jehova Deva, utth!*
Tujea tolvarin noxttea thaun mhaka soddoi.
14 Jehova Deva, tuzo hat fuddem korun mhaka soddoi,Hea sonvsarachea* lokam thaun mhaka soddoi zancho vantto heach jivitant asa,Zankam tum tujea bhanddarantlean boreo vostu dita,Je aplea zaitea putank daiz soddttat.
15 Punn hanv zalear nitivontponnan tujem tondd polloitolom,Hanv zago zatam tednam, tum mhojea lagim asa dekhun* mhaka dhadosponn melltta.
