Stotr 136:1-26
136 Jehovache upkar attoiat, karonn to boro,Tacho visvaxi mog sasnak togta.
2 Soglea devancho Dev zaun asa tache upkar attoiat,Karonn tacho visvaxi mog sasnak togta.
3 Soglea dhoniancho Dhoni zaun asa tache upkar attoiat,Karonn tacho visvaxi mog sasnak togta.
4 Vortim ojapam korpi to ekloch,Karonn tacho visvaxi mog sasnak togta.
5 Tannem kola* uzar korun sorg kelo,Karonn tacho visvaxi mog sasnak togta.
6 Tannem prithum udka voir posraili,Karonn tacho visvaxi mog sasnak togta.
7 Tannem mollbar vhoddle-vhoddle uzvadd kele,Karonn tacho visvaxi mog sasnak togta.
8 Disacher raz cholounk tannem suria kelo,Karonn tacho visvaxi mog sasnak togta.
9 Raticher raz cholounk tannem chondrim ani noketram kelim,Karonn tacho visvaxi mog sasnak togta.
10 Tannem Ejipttachea poilea malgoddea putank marun uddoile,Karonn tacho visvaxi mog sasnak togta.
11 Tannem Izraelak tanchea modlo bhair haddlo,Karonn tacho visvaxi mog sasnak togta.
12 Tannem aplea bollixtt hatan tankam bhair haddle,Karonn tacho visvaxi mog sasnak togta.
13 Tannem Tambddo Doria doxi kelo,Karonn tacho visvaxi mog sasnak togta.
14 Tannem Izraelak tachea modlean vochonk dilo,Karonn tacho visvaxi mog sasnak togta.
15 Tannem Faraoh-k ani tachea foujek Tambddea Doriant buddoun uddoile,Karonn tacho visvaxi mog sasnak togta.
16 Tannem aplea lokank ranvott vattarantlean vhele,Karonn tacho visvaxi mog sasnak togta.
17 Tannem vortea razank marun uddoile,Karonn tacho visvaxi mog sasnak togta.
18 Tannem xoktivont razank jivexim marle,Karonn tacho visvaxi mog sasnak togta.
19 Amoritkarancho raza Sihonak tannem jivexim marlo,Karonn tacho visvaxi mog sasnak togta.
20 Bashanacho raza Ogak tannem jivexim marlo,Karonn tacho visvaxi mog sasnak togta.
21 Tancho des tannem daiz mhunn dilo,Karonn tacho visvaxi mog sasnak togta.
22 Aplo sevok Izraelak tannem to daiz mhunn dilo,Karonn tacho visvaxi mog sasnak togta.
23 Ami niraxi asle tednam tannem amcho ugddas kelo,Karonn tacho visvaxi mog sasnak togta.
24 Amchea dusmanam thaun to amkam vanchoit ravlo,Karonn tacho visvaxi mog sasnak togta.
25 Jiv aslolea dor ekleak to jevonn dita,Karonn tacho visvaxi mog sasnak togta.
26 Sorginchea Devache upkar attoiat,Karonn tacho visvaxi mog sasnak togta.
Footnotes
^ Vo “somjikai.”
