Stotr 16:1-11
Davidachem miktam.*
16 Deva, mhoji rakhonn kor, karonn hanvem tuje lagim asro ghetla.
2 Hanvem Jehovak mhunnttlem: “Jehova Deva, tum mhojea boreponnachi Zhor zaun asa.
3 Ani prithume voile povitr ani vorte lok,Mhaka khuxalkai ditat.”
4 Je dusrea devanchea fattlean dhanvtat, te aplem dukh vaddoitat.
Tanchea sangata mellon, hanv kednanch rogtacheo bhetto bhettounchom na,Ani mhojea vonttamnim tanchim nanvam gheunchom na.
5 Jehova mhozo vantto, to mhozo nemlolo bhag ani mhozo pelo.
Tum mhojea daizachi rakhonn korta.
6 Mhaka mhojea vantteak sobit zage mellʼlleat.
Hoi, mhaka mellʼllolea daizak lagon hanv dhadoxi asam.
7 Hanv Jehovachi vakhannʼnni kortolom, zannem mhaka solʼlo dila.
Ratchea vellar pasun, mhojim kholaiechim chintnam* mhaka sudhraitat.
8 Hanv Jehovak sodanch mhojea dolleam mukhar dovortam.
To mhojea uzvea vatten asa dekhun, hanv kednanch halchom na.*
9 Taka lagon mhojem kalliz khuxal zata, ani mhozo akʼkho jiv* sontosta.
Ani hanv* surokxit jietam.
10 Karonn tum mhaka Fonddant* sanddchona.
Tum tujea visvaxi sevokak fondd pollounk diunchona.*
11 Tum mhaka jivitachi vatt dakhoita,Tujea mukhar* mhaka bhorpur sontos melltta,Tujea uzvea hatak sodankal khuxalkai asa.*
Footnotes
^ Xobdhkox polloi.
^ Vo “kholaiechim bhavnam.” Utran utor, “kiddni.”
^ Vo “kednanch lokchom na.”
^ Utran utor, “mhoji mhoima.”
^ Vo “mhoji kudd.”
^ Vo “fonddant uronk diunchona.” Vo ghoddie, “sevokachi kudd kusonk diunchona.”
^ Utran utor, “tondda mukhar.”
^ Vo “Tujea uzvea vatten ravlolean sodankal sukh melltta.”
