Stotr 44:1-26
Mukhel songitkarak. Korachea putanchem. Maskil.*
44 Deva, adlea kallar,Amchea purvozanchea kallar,Tunvem kelʼlea kamam vixim ami amchea kanamnim aikolam,Amchea purvozamnim amkam hea vixim sanglam.
2 Tunvem tujea hatan raxttrank dhanvddaile,Ani tancho des amchea purvozank dilo.
Tunvem raxttrancho churo kelo ani tankam bhair dhanvddaile.
3 Tannim aplea svotachea tolvarin des tabeant gheunk na,Ani aplea svotachea bollan zoit melloun gheunk na,Tachea bodlek, tujea uzvea hatak lagon, tujea bollak lagon ani tujea tonddachea uzvaddak lagon tem zaunk pavlem,Karonn te tuka manvole.
4 Deva, tum mhozo Raza,Jakobak purnn toren zoit* mellom mhunn adnea di.*
5 Ami amchea dusmanank tujea xokten dhanvddaun ghaltole,Amchea add ietat tankam ami tujea nanvan maddoun uddoitole.
6 Karonn hanv mhojea dhonucher visvas dovorna,Ani mhoji tolvar mhaka salvar korunk xokona.
7 Amchea dusmanam thaun amkam salvar korpi, tunch zaun asa,Amcho dves kortat tankam lojek ghalpi, tum zaun asa.
8 Ami dis-bhor amchea Devak vakhannʼnni ditolim,Ani sodankal tujea nanvache upkar attoitolim. (Selah)
9 Punn atam tunvem amkam soddun dileant ani lojek ghatleat,Ani tum amche fouje sangata vochona.
10 Tum amkam amchea dusmana thaun porot-porot pollon vochonk laita,Amcho dves kortat te amche koddlean apleak zai tem gheun voitat.
11 Menddram bhaxen amkam khaun uddounk tum amkam tanchea hatant dita.
Tunvem amkam raxttram modem ximpddaileat.
12 Tum aplea lokank ekdom unnea molak vikun dita,Tankam vikun* tuka kainch faido zaina.
13 Tunvem amkam xezaream modem loz zaunk dilea,Amchi poristhiti oxi zalea ki bhonvtonnche sogle lok amchim fokannam ani moskoreo kortat.
14 Tunvem raxttram modem amchi poristhiti oxi kelea ki lok amkam tomnne marun hanstat,*Amkam kainch valor naslolea bhaxen lekhun lok apli tokli haloitat.
15 Akʼkho dis mhaka opman sosunk poddtta,Ani mhojem tondd dakhounk pasun mhaka loz dista,
16 Karonn te mhaka tomnne martat ani mhozo opman kortat,Mhozo dusman mhoje koddlean bodlo gheta.
17 Hem soglem amcher ailam, tori astana ami tuka visronk nant,Ani ami tuzo korar moddunk na.
18 Amchem kalliz tujea thaun pois vochonk na,Amchim panvlam tujea vatte thaun pois vochonk nant.
19 Punn tunvem amkam kole* ravtat tea zagear mostileat,Ani tunvem amkam kallea-kitt kallkhant dhampleat.
20 Ami amchea Devachem nanv visorleat zalear,Vo ami amche hat porkea devam mukhar posraileat zalear,
21 Devak hem kollchem na kai?
Kallzacho dor ek gutt taka khobor asa.
22 Tujea pasot ami dis-bhor mornnacho fuddo kortat.
Amchi poristhiti, marunk vhortolea menddram sarki asa.
23 Jehova Deva, utth, tum nhidon kiteak ravta?
Zago zav! Amkam sasnak soddun dinaka.
24 Tum amchea thaun tujem tondd kiteak lipoita?
Amche koxtt-dukh ani tras tum kiteak visorta?
25 Amkam dhulʼlint uddoileat.
Ami zomnir poddlole asat.
26 Amkam modot korunk utth!
Tujea visvaxi mogak lagon amkam vanchoi.*
