Stotr 146:1-10
146 Jah-k vakhannat!*
Mhozo akʼkho jiv Jehovachi vakhannʼnni korum.
2 Hanv jivitbhor Jehovachi vakhannʼnni kortolom.
Hanv jivo asam tea meren, mhojea Deva pasot vakhannʼnnechim gitam gaitolom.*
3 Kunvrancher* tumcho visvas dovornakat,Toxench, taronn diunk xokona tea munxachea putacher visvas dovornakat.
4 Tacho svas bhair voita ani to porot dhulʼlint voita,Teach disa tachim soglim chintnam kabar zatat.
5 To munis khuxal, zacho modot korpi Jakobacho Dev zaun asa,Zacho bhorvonso Jehova tachea Devacher asa,
6 Zo mollob ani prithumecho,Doria ani tantunt aslolea sogleancho Rochnnar* zaun asa,Zo sodanch visvaxi ravta,
7 Zo nagoiloleank neai dita,Zo bhukeloleank unddo dita.
Jehova bondkhonnint asloleank* suttka dita.
8 Jehova kuddʼddeanche dolle ugoddtta,Bagovloleank Jehova nitt ube korta,Jehova nitivont lokancho mog korta.
9 Jehova pordexianchi rakhonn korta,Bapui naslolea bhurgeacho ani vidvecho to samball korta,Punn noxtteancheo ievzonneo to fiskottaita.*
10 Jehova sasnak Raza astolo,Siona, tuzo Dev pillgean-pillgi poriant Raza zaun urtolo.
Jah-k vakhannat!*
Footnotes
^ Vo “Hallelujah!” “Jah” hem Jehova hea nanvachem shortt form zaun asa.
^ Vo “gitam gaun songitachim sadhonam vazoitolom.”
^ Vo “Vhoddlea odhikareancher.”
^ Vo “Ghoddnnar.”
^ Utran utor, “bandloleank.”
^ Vo “noxtteanchi vatt to vankddi korta.”
^ Vo “Hallelujah!” “Jah” hem Jehova hea nanvachem shortt form zaun asa.
