Stotr 96:1-13
96 Jehova pasot ek novem git gaiat.
Prithume voilea soglea lokamno, Jehova pasot git gaiat!
2 Jehovak git gaiat, tachea nanvachi vakhannʼnni korat.
Tachea thaun melltta tea taronna vixim asloli bori khobor dor ek dis kollit korat.
3 Raxttram modem tachea mhoime vixim,Tachea ojapachea kamam vixim veg-vegllea desantlea lokank porgott korat.
4 Jehova vorto, ani taka sogleam-von chodd vakhannʼnni favo.
Dusrea soglea devam poros to ojapacho.*
5 Veg-vegllea desantlea lokanche sogle dev kainch valor naslole asat,Punn mollob rochla to Jehova zaun asa.
6 Tachea mukhar mhoima* ani vorteponn asa,Boll ani sobitkai tachea povitr zagea bhitor asa.
7 Veg-vegllea desantlea soglea familimno, Jehovak jem favo asa tem taka diat,Tachea mhoime pasot ani bolla pasot Jehovak jem favo asa tem taka diat.
8 Jehovachea nanvak favo ti mhoima diat,Ek dennem haddat ani tachea angnnamnim bhitor sorat.
9 Povitr kopdde ghalun* Jehovak man bagoiat,*Prithume voilea soglea lokamno, tachea mukhar bhirantin koddkoddat!
10 Raxttram modem hem kolloiat: “Jehova Raza zala!
Prithum* thir stapon kelʼli asa, ti kednanch halounk zaina.*
Veg-vegllea desantlea lokancho to sarke toren neai kortolo.”
11 Mollob sontosum ani prithum khuxal zaum,Doria ani tantunt aslolea sogleamnim khuxalkaien bob marum.
12 Xetamnim ani tantunt aslolea sogleamnim khuxal zaum.
Teach borabor ranant aslolea soglea zhaddamnim sontosbhorit zaun bob marum,
13 Tannim Jehova mukhar sontosbhorit zaun bob marum, karonn to ieta,*To prithumechi zhoddtti korunk ieta.
To akʼkhe prithumechi* nitivontponnan,Ani veg-vegllea desantlea lokanchi visvaxiponnan zhoddtti kortolo.
