Stotr 58:1-11
-
Ek Dev asa zo prithumecho neai korta
-
Noxtteank khast diunchi mhunn magnnem (6-8)
-
Mukhel songitkarak; “Nas Zaunk Dinaka” hea surar gaunchem. Davidachem git. Miktam.*
58 Munxachea putamno, vogi ravon tumi nitivontponna vixim ulounk xoktat kai?
Tumi sarke toren nit korunk xoktat kai?
2 Tumi tor tumchea kallzant onitivontponnacheo ievzonneo kortat,Ani tumi tumchea hatamnim desant hinvsa kortat.
3 Noxtte lok zolma* thaun sarke vatte voile koddsorleat,*Te zolmoleat tednam thaunuch chukichea vatter voitat ani fottkire asat.
4 Tanchem vik sorpanchea vika sarkem asa,Ani te aikonk sodhina tea naga sarke bhere asat.
5 Sorop dhorpeamnim kitle-i bore toren montram mhunnttlim zalear pasun,To tanchem aikochona.
6 Deva, tanchea tonddantle sogle dant moddun uddoi!
Jehova Deva, tea xinvanchim daddam* foddun uddoi!
7 Te vhanvon voita tea udka bhaxen nanch zaum,Devan aplo dhonu bagoun tancher bann marum ani tachea bannamnim te sokol poddom.
8 Choltam-choltam pigllon voita tea kongea sarke te zaum,Kusveantuch morta ani suriacho uzvadd kednanch polloina toslea bhurgea sarke te zaum.
9 Tumchea randpachea aidonank kantteanchea boddienchi ub lagchea poilinch,Vadollachem varem uboun vhorta toxem, zollttat teo ani voleo boddieo Dev uboun vhortolo.
10 Devan sudd ghetla tem polloun nitivont munis khuxal zatolo,Tache paim noxtteachea rogtan buddlole astole.
11 Tednam lok mhunnttole: “Nitivont munxak inam mellttach.
Khorench, prithumecho neai korpi ek Dev asa.”
