Stotr 32:1-11
Davidachem git. Maskil.*
32 To munis khuxal, zacho oprad bhogxila, zachem patok dhamplam.*
2 To munis khuxal, zaka Jehova guneanvkari mhunn tharaina,Ani zachea monant dusreank fosouncheo ievzonneo nant.
3 Hanv vogi ravlom tednam, hanv dis-bhor pirgot aslom dekhun mhojim haddam pigllonk laglim.
4 Karonn dis ani rat tuzo zodd hat mhojer aslo.*
Gormechea disamnim udok sukon voita toxem mhojem boll sukon gelem. (Selah)
5 Xevottak hanvem tujea mukhar mhojem patok manun ghetlem,Hanvem mhozo guneanv lipoun dovrunk na.
Hanvem mhunnttlem: “Hanv Jehova mukhar mhoje oprad manun ghetolom.”
Ani tunvem mhozo guneanv, mhojim patkam bhogxilim. (Selah)
6 Taka lagon, jea meren tum mellonk xokta tea merenDor ek visvaxi munis tujea lagim magnnem kortolo.
Tednam buddttechem udok pasun tachea lagim pavchem na.
7 Tum mhojea pasot ek lipʼpacho zago zaun asa,Tum mhaka sonkoxtta thaun rakhtolo.
Tum mhaka suttka diun mhaka charui vatten khuxalkaien bhortolo. (Selah)
8 Tunvem mhunnttlem, “Hanv tuka kholaiechi somjikai ani somzonni diun tunvem cholonk zai ti vatt tuka dakhoitolom.
Hanv tujer mhoji nodor dovrun tuka solʼlo ditolom.
9 Tum somjikai naslolea ghoddea bhaxen vo khenchra* bhaxen zainaka.
Tankam logom vo dori ghalun tabeant dovortatTednanch tim tujea lagim ietat.”
10 Noxtte khub tras sostat,Punn zo konn Jehovacher visvas dovorta tachea sorvbhonvtonnim tacho visvaxi mog asta.
11 Nitivont lokamno, Jehovak lagon khuxal zaiat ani sontosat,Promannik kallzachea soglea lokamno, khuxalkaien bob marat.
