Stotr 79:1-13
Asafachem songit.
79 Deva, raxttramnim tujea daizacher akromonn kelam,Tannim tujea povitr mondirak oxudʼdh kelam,Tannim Jeruzalemak fatranchi ras korun uddoilam.
2 Tannim tujea sevokanchim moddim mollba voilea suknneank jevonn mhunn dileant,Ani tujea visvaxi lokanchem mas prithume voilea ranvotti zonvarank dilam.
3 Tannim tanchem rogot udka bhaxen Jeruzalema bhonvtonnim varoilam,Ani tankam purunk pasun konnuch uronk na.
4 Amchi poristhiti oxi zalea ki amche xezari amcho opman kortat,Amchea bhonvtonnim asat tim amcheo moskoreo korun amkam hanstat.
5 Jehova Deva, kednam poriant tum amcher ragar ravtolo? Sasnak poriant?
Tuzo krodh ujea bhaxen kednam poriant zollot ravtolo?
6 Tujea krodhacho pelo tea raxttrancher votoi, jim tuka vollkhonant,Ani tea rajeancher votoi, jim tujem nanv gheun tuka ulo marinant.
7 Karonn tannim Jakobak gillun uddoila,Ani tacho des padd korun soddla.
8 Amchea purvozanchea guneanvank lagon amkam zobabdar korinaka.
Beginuch amkam tuji kakut dakhoi,Karonn amkam sarkinch sokol uddoileant.
9 Taronn diupi amchea Deva,Tujea mhoimevont nanva pasot amkam modot kor,Tujea nanva pasot amkam vanchoi ani amchim patkam bhogos.*
10 Raxttramnim oxem kiteak mhunnchem: “Tancho Dev khoim asa?”
Tunvem tujea sevokanchea rogtacho sudd ghetla mhunn,Amchea dolleam mukhar raxttrank kollom-di.
11 Tuka koideancho haskar-suskar aikonk ieum.
Mornnachem formonn marlam tankam* tum tujea vortea xokten* samball.*
12 Jehova Deva, amchea xezareamnim tuka je tomnne marleat,Taka lagon tum tankam sat pavtti chodd khast lai.
13 Tednam ami, mhunnche tuje lok ani tujea chorvachea molla voile hindd,Sasnak tuje upkar attoit ravtole,Ani pillgean-pillgi poriant tuji vakhannʼnni korit ravtole.
