Stotr 38:1-22
Ugddasa pasot* Davidachem songit.
38 Jehova Deva, ragan bhoron mhaka sudhrainaka,Toxench tujea krodhan mhaka xist lainaka.
2 Tuje bann mhojea bhitor khol rigleat,Ani tuzo zodd hat mhaka chiddʼddoita.
3 Tujea krodhak lagon mhoji akʼkhi kudd duent zalea.*
Mhojea patkak lagon mhaka* xanti na.
4 Karonn mhoje guneanv mhojea tokle voir pavleat,Mhojean ubarunk zaina toslea eka zodd vojea sarke te asat.
5 Mhojea pixeponnak lagon,Mhoje ghave kusleat ani tankam ghann marta.
6 Hanv niraxi zalam ani samko dukhant buddlam,*Hanv dis-bhor dukhi zaun bhonvtam.
7 Mhojea bhitor uzo pettla,*Mhoji akʼkhi kudd duent asa.
8 Mhoji kudd bherelea* ani hanv samko chiddʼddolam,Mhojea dukhi kallzak lagon hanv vhoddlean pirgotam.*
9 Jehova Deva, mhojeo sogleo itsa tujea mukhar asat,Ani mhoje haskar-suskar tujea thaun liponk nant.
10 Mhojem kalliz dhodd-dhoddtta, mhojem boll kabar zalam,Ani mhojea dolleancho uzvadd na zaun gela.
11 Mhoje piddek lagon mhoje ixtt ani mhoje sangati mhaka pois kortat,Ani mhoje lagxilʼle ixtt pasun mhojea thaun pois ravtat.
12 Mhozo jiv gheunk sodhtat te, mhojea pasot fas manddttat,Mhaka tras korunk sodhtat te, mhozo nas korche vixim uloitat,Dis-bhor te mhaka fosounk ievzonneo kortat.
13 Punn eka bherea munxa bhaxen hanv tanchem aikom naslom,Eka monea munxa bhaxen hanv mhojem tondd ugodd naslom.
14 Aikonk iena toslea eka munxa sarko hanv zalam,Zaka aple vatten ulounk kainch na.
15 Karonn Jehova Deva, hanv tujer patieun ravlom,Ani Jehova mhojea Deva, tunvem mhaka zobab dilo.
16 Karonn hanvem mhunnttlem: “Mhozo paim nisorlo zalear, mhoji poristhiti polloun te hansona zaum,Vo gorvan bhoron mhojea lagim vagona zaum.”*
17 Karonn hanv poddonk pavlolom,Ani mhaka sodanch dukh asli.
18 Hanvem mhozo guneanv manun ghetlo,Mhojea patkak lagon mhaka khub tras zale.
19 Punn mhoje dusman bollvont* ani xoktivont asat,*Karonn nastana mhozo dves kortoleancho ankddo vaddla.
20 Hanvem kelʼlea borea kamank tannim vaittan farik kelem,Hanv borem korcho proitn kortalom dekhun te mhozo virodh kortale.
21 Jehova Deva, mhaka soddun dinaka.
Mhojea Deva, mhojea thaun pois ravonaka.
22 Mhaka taronn diupi Jehova Deva,Mhaka modot korunk begin ieo.
Footnotes
^ Vo “Ugddasak haddunk.”
^ Utran utor, “Mhojea kuddint ekui zago oso na zo boro asa.”
^ Utran utor, “mhojea haddamnim.”
^ Vo “samko bagovlam.”
^ Utran utor, “Mhojem akʼkhem bhendd zolltta.”
^ Vo “muelʼlea bhaxen zalea.”
^ Vo “goroztam.”
^ Vo “mhojea poros apleakuch voir kaddina zaum.”
^ Utran utor, “jive.”
^ Vo ghoddie, “Punn zaite zann karonn nastana mhoje dusman zaleat.”
