Stotr 144:1-15
Davidachem git.
144 Mhojea Khoddpachi, Jehovachi vakhannʼnni zaum,To mhojea hatank zhuz korunk,Ani mhojea bottank zhogddim korunk proxikxonn dita.
2 To mhaka visvaxi mog dakhoita, to mhozo kilʼlo,Mhozo surokxit asro* ani mhaka vanchoupi.
To mhoji ddhal ani tachea thaim hanvem asro ghetla.
To veg-vegllea desantlea lokank mhojea adhin korta.
3 Jehova Deva, tunvem munxacher nodor ghalunk, to konn,Ek-na-ek dis morta toslea munxachea putacher tunvem dhean diunk, to konn?
4 Munxachem jivit fokot ek svas,Tache dis soron voitolea savlle bhaxen.
5 Jehova Deva, tum mollob sokol hadd* ani denvon ieo,Porvotank hat lai ani tanchea thaun dhunvor ieum-so kor.
6 Zoglam marun dusmanak hanga-thoim ximpddai,Tuje bann sodd ani tankam ghuspa-gondhollant ghal.
7 Voir thaun tuje hat fuddem kadd,Mhaka vanchoi, ani uchamboll zalʼlea udka thaun mhaka salvar kor,Pordexianchea hatantlean* mhaka vanchoi,
8 Je aplea tonddan fott martat,Ani aplo uzvo hat voir korun khotto soput ghetat.*
9 Deva, hanv tujea pasot ek novem git gaitolom.
Dha taranchem sadhon gheun tuji vakhannʼnni korunk gitam gaitolom,*
10 Karonn tum razank zoit* dita,Aplo sevok Davidak bhirankull tolvari thaun vanchoita.
11 Mhaka vanchoi, ani pordexianchea hatantlean mhaka salvar kor,Te aplea tonddan fott martat,Ani aplo uzvo hat ubarun khotto soput ghetat.
12 Tednam amche put rokddech vaddttolea lhan zhaddam sarke zatole,Amcheo dhuvo rajmahala pasot kantoilʼlea konnxeachea khambeam sarkeo zatoleo.
13 Amche gudanv sogle torechea piken bhoron votʼtole,Xetant aslole amche hindd hozaramnim ani lakʼkhamnim vaddttole.
14 Gorbest aslolea amchea gorvank kainch vaitt zaunchem na, vo tancho gorbpat zaunchona,Amchea nakeancher konnuch dukhi zaun roddchona.
15 Jea lokank him soglim besanvam mellttat, te lok khuxal!
Jea lokancho Dev Jehova, te lok khuxal!
