Stotr 6:1-10
Mukhel songitkarak; hem git tar aslolem sadhon vazoun Sheminith* surar gaunchem. Davidachem songit.
6 Jehova Deva, ragan bhoron mhaka sudhrainaka,Ani krodhan mhaka xist dinaka.
2 Jehova Deva, mhaka doia dakhoi,* karonn hanv oskot zait voitam,Jehova Deva, mhaka boro kor, karonn mhojim haddam koddkoddttat.
3 Hoi, hanv samko bejar zalam,Ani hanv tuka vichartam, Jehova Deva, anik kitlo temp poriant hanv vatt polloum?
4 Jehova Deva, porot ieo ani mhaka soddoi,Tujea visvaxi mogak lagon mhaka salvar kor.
5 Karonn melolim tujea vixim ulounk xokonant.*
Fonddant* konn tuji vakhannʼnni kortolo?
6 Haskar-suskar soddun mhaka puro zalam,Akʼkhi rat hanv mhoji khatt dukamnim bhizoitam,Roddon-roddon mhojem divan* dukamnim bhorlam.
7 Khontin ani dukhan mhoje dolle oskot zaleat,Mhaka sotaitat tankam lagon mhoji dixtt unni zalea.
8 Noxtteponnan vagtoleamno, mhojea thaun pois sorat,Karonn Jehova mhojea roddnneacho avaz aikotolo.
9 Jehova mhoji doiechi bhik aikon ghetolo,Jehova mhojem magnnem manun ghetolo.
10 Mhoje sogle dusman lojek poddttole ani te bhietole,Okosmat tancho opman zaun te fatti sortole.
