Stotr 46:1-11
Mukhel songitkarak. Korachea putanchem git. Alamoth songit gavpachi rit.* Ek git.
46 Dev amcho asro ani amchem boll,Sonkoxttachea vellar amkam adar diunk to sodanch toiar asta.
2 Taka lagon, prithumer koslo-i bodol zalear pasun,Ani porvot kosllon doriache kholaiek poddlear pasun ami bhiechimnant.
3 Doria gorozlear pasun ani lharam voir-sokol zaun fes ailear pasun,Hea uchambollaiek lagon dongor kamplear pasun ami bhiechimnant. (Selah)
4 Ek nhoim asa, zacheo zhori Devachea xarak,Bhov Vortea Devachea vortea povitr tombuk khuxal kortat.
5 Tea xarant Dev asa, konnuch taka harounk xokona.
Dis udeunchea poilim Dev tachea adarak pavtolo.
6 Raxttram challvolim, rajeam portim korun uddoilim,Tannem aplo tallo ubarlo ani prithum pigollʼlli.
7 Fouzancho Dev Jehova amchea sangata asa,Jakobacho Dev amcho surokxit asro* zaun asa. (Selah)
8 Ieiat ani Jehovachim kamam polloiat,Tannem prithumer kitleo ojapacheo vostu keleat.
9 Akʼkhe prithumer to zhuzam kabar korun uddoita,To dhonu moddtta ani bhaleacho churo korun uddoita,To zhuzachim rotham* ujean lasoun uddoita.
10 “Virodh korop bond korat ani hanv Dev mhunn zannam zaiat.
Raxttram modem mhoji vhoddvik zatoli,Akʼkhea prithumer mhoji vhoddvik zatoli.”
11 Fouzancho Dev Jehova amchea sangata asa,Jakobacho Dev amchea pasot ek surokxit asro* zaun asa. (Selah)
