Stotr 72:1-20

  • Devan nemlolea razachea rajeant xanti

    • “Nitivontachi vaddavoll zatoli” (7)

    • Eka doria thaun dusrea doria meren porza (8)

    • Hinvse thaun suttka (14)

    • Prithumer bhorpur dano astolo (16)

    • Devachea nanvachi sodam-sodankal vakhannʼnni zata (19)

Solomona vixim. 72  Deva, razak tuje nitiche nirnnoi kolloi,Ani razachea putak tujea nitivontponna vixim xikoi.  2  To nitivontponnan tujea lokam vatten uloum,Ani gorib aslolea tujea lokank neai dium.  3  Porvotamnim lokank xanti haddum,Ani dongramnim nitivontponn haddum.  4  Lokam modem je koxtt-dukh sostat, tanche vatten to uloum,*Goribachea putank to salvar korum,Ani luttpeancho churo korum.  5  Suria asa tea meren,Ani chondrim asa tea meren,Pillgechea-pillge meren, te tuji bhirant dhortole.  6  To katorlolea tonnacher poddlolea pausa bhaxen astolo,Prithumer ghos-ghoxeamnim poddlolea pausa bhaxen astolo.  7  Tachea disamnim nitivontachi vaddavoll zatoli,*Ani chondrim na zaum poriant bhorpur xanti astoli.  8  Eka doria thaun dusrea doria meren,Ani Nhoim-e* thaun tem prithumechea konnxea meren tachi porza* astoli.  9  Oronnʼnneant ravtat te lok tachea mukhar bagovtole,Ani tache dusman dhulʼl lenvtole. 10  Tarshishache ani zunveanche raza,Shebache ani Sebache raza taka dennim haddttole. 11  Sogle raza tachea mukhar bagovtole,Ani raxttram tachi seva kortolim. 12  Karonn modoti pasot ulo martolea goribank,Toxench, koxtt-dukh sostoleak ani konnanchoch adar nasloleak to vanchoitolo. 13  Koxtt-dukh sostoleache ani goribache to churchure kortolo,Ani goribancho jiv to salvar kortolo. 14  Zulum ani hinvse thaun to tankam vanchoitolo,*Ani tanchem rogot tache nodren moladik astolem. 15  To zaito kall jieum, ani taka Shebachem bhangar dium. Lokamnim tachea pasot thambonastana magnnim korum,Ani dis-bhor taka besanvam mellom. 16  Prithumer bhorpur dano astolo,Porvotanchea tengxer to bhoron votʼtolo. Tachem pik Lebanonantlea zhaddam bhaxen bhorpur zatolem,Ani prithumer aslolea tonna bhaxen xaramnim lok bhorpur vaddttole. 17  Tachem nanv sodam-sodankal urom,Ani suria asa tea meren tachem nanv urom. Tachea vorvim lokank besanvam mellom,*Soglea raxttramnim taka khuxal mhunnom. 18  Izraelachea Devachi, Jehova Devachi, vakhannʼnni zaum,Zo ekloch ojapacheo vostu korta. 19  Tachea mhoimevont nanvachi sodam-sodankal vakhannʼnni zaum,Ani akʼkhi prithum tache mhoimen bhorom. Amen, Amen. 20  Hanga Jesecho put Davidachim magnnim somptat.

Footnotes

^ Vo “sostoleam pasot neai korum.”
^ Utran utor, “kombri funttʼttoli.”
^ Mhunnche, Eufrates.
^ Vo “razvottki.”
^ Vo “soddoitolo.”
^ Mhunnche, lok vavr kortat ani tea vorvim tankam besanvam mellttat.

Copyrights for this publication