Stotr 25:1-22
Davidachem git.
א [Aleph]
25 Jehova Deva, hanv tujea vatten vollttam.
ב [Beth]
2 Mhojea Deva, mhaka tujer visvas asa,Mhaka lojent poddonk dinaka.
Mhojea dusmanank mhojer hansonk dinaka.
ג [Gimel]
3 Khorench, tujer bhorvonso dovorta to lojek poddchona,Punn je karonn nastana visvasghat kortat, te lojek poddttole.
ד [Daleth]
4 Jehova Deva, mhaka tujeo vatto dakhoi,Mhaka tujea vatten cholonk xikoi.
ה [He]
5 Tujea sotachea vatten mhaka choloi ani mhaka xikoi,Karonn tum mhozo taronn diupi Dev zaun asa.
ו [Waw]
Akʼkho dis hanv tujer bhorvonso dovortam.
ז [Zayin]
6 Jehova Deva, tuji kakut ani tuzo visvaxi mog ugddas kor,Zo tunvem mhaka sodanch dakhoila.*
ח [Heth]
7 Hanvem tornattponnar jim patkam ani je oprad keleat te ugddas dovornaka.
Jehova Deva, tujea visvaxi mogak lagon,Ani tujea boreponnnak lagon mhozo ugddas kor.
ט [Teth]
8 Jehova boro ani promannik.
Taka lagon, to patkeank koxem jieunchem tem xikoita.
י [Yod]
9 To khalteank sarki* vatt dakhoitolo,Ani tankam aplea vatten cholonk xikoitolo.
כ [Kaph]
10 Je lok Jehovacho korar ani to ugddasak haddtta teo adnea pallttat,Tankam to mog* dakhoita ani tanchea sangata visvaxiponnan vagta.
ל [Lamed]
11 Jehova Deva, mhozo guneanv khub vhodd asa,Tori astana, tujea nanva khatir mhaka bhogos.
מ [Mem]
12 Zo munis Jehovachi bhirant dhorta,Tannem khoinchi vatt vinchun kaddchi tem Dev taka xikoitolo.
נ [Nun]
13 Borem asa tem to onnbhovtolo,Ani tachea sonstik* akʼkhe prithumer odhikar mellttolo.
ס [Samekh]
14 Jehovachi bhirant dhortat tinch tachea lagim ghott ixttagot korunk xoktat,Ani to tankam aplo korar kolloita.
ע [Ayin]
15 Mhoje dolle sodanch Jehovacher asat,Karonn to mhoje paim zallantlean soddoitolo.
פ [Pe]
16 Mhojer dhean di, ani mhaka doia dakhoi,Karonn hanv ekttoch asam, ani mhaka kainch adar na.
צ [Tsade]
17 Mhojea kallzantle uske vaddot asat,Mhojea dukhantlean mhaka suttka di.
ר [Resh]
18 Mhoje koxtt-dukh ani mhoje tras polloi,Ani mhojea soglea patkank lagon mhaka bhogos.
19 Polloi, mhoje dusman mezunk zainant title asat,Te mhozo itlo dves kortat ki te mhaka sotaunk sodhtat.
ש [Shin]
20 Mhojea jivachi rakhonn kor ani mhaka salvar kor.
Mhaka lojek poddonk dinaka, karonn hanvem tujea thaim asro ghetla.
ת [Taw]
21 Hanv guneanvam mekllom* ravtam ani sarkem tem kortam dekhun mhaka rakhonn mellom,Karonn hanvem tujer bhorvonso dovorla.
22 Deva, Izraelak tachea soglea sonkoxttantlean vanchoi.*
