Stotr 47:1-9

  • Dev akʼkhe prithumecho Raza

    • “Jehova, ojapacho Dev” (2)

    • Devak vakhannʼnnechim gitam gaiat (6, 7)

Mukhel songitkarak. Korachea putanchem git. Ek songit. 47  Soglea desantlea lokamno, talleo marat. Devak vakhannun khuxalkaien vhoddlean zoizoikar korat.  2  Karonn Bhov Vorto Dev Jehova, ojapacho* Dev zaun asa,To akʼkhea prithumecho vorto Raza zaun asa.  3  Veg-vegllea desantlea lokank to amchea adhin korta,Raxttrank to amchea paim-am ponda ghalta.  4  To amchea pasot daiz vinchun kaddtta,Zacher tachea mogachea Jakobak gorv asa. (Selah)  5  Lok khuxalkaien bob martana Dev voir gelo,Xingachea* avazar Jehova voir gelo.  6  Devak vakhannʼnnechim gitam gaiat,* vakhannʼnnechim gitam gaiat. Amchea Razak vakhannʼnnechim gitam gaiat, vakhannʼnnechim gitam gaiat.  7  Karonn Dev akʼkhea prithumecho Raza zaun asa,Tachea pasot vakhannʼnnechim gitam gaiat ani kholaiechi somjikai dakhoiat.  8  Dev soglea raxttrancho Raza zala. To aplea povitr xinvasonar bosla.  9  Veg-vegllea desantle fuddari ektthaim aileat,Abrahamachea Devachea lokam sangata te ektthaim aileat. Karonn prithumeche sogle odhikari* Devache. To sogleant vorto.

Footnotes

^ Vo “bhirankull.”
^ Vo “Menddreachem xing; Turturi.”
^ Vo “gitam gaun songitachim sadhonam vazoiat.”
^ Utran utor, “ddhalo.”

Copyrights for this publication