Stotr 48:1-14
Ek git. Korachea putanchem songit.
48 Amchea Devachea xarant, tachea povitr dongrar,Jehova vorto, ani taka sogleam-von chodd vakhannʼnni favo.
2 Pois utʼtore vatten aslolo Sion DongorKhub sobit ani unch asa, to akʼkhea prithumecho sontos zaun asa,To Vortea Razachem xar zaun asa.
3 Apunn ek surokxit asro* mhunn,Devan tachea vhoddlea gopuramnim dakhoun dilam.
4 Karonn polloi! raza ektthaim aileat,*Te ektthaim zaun mukhar sorleat.
5 Tannim tem xar polloilem tednam, te ojap zale.
Te abuz zale ani bhiun pollon gele.
6 Thoim te bhirantin koddkoddonk lagle,Zolm ditolea baile bhaxen te tollmollonk lagle.
7 Udentechea varean tum Tarshishachim tarvam foddun uddoita.
8 Ami jem aikolʼlem, tem ami atam svota polloilam,Fouzancho Dev Jehovachea xarant, amchea Devachea xarant ami tem polloilam.
Dev tea xarak sodankal thir stapon kortolo. (Selah)
9 Deva, tujea mondirant,Ami tujea visvaxi moga vixim kholaien chintʼtat.
10 Deva, tujea nanva bhaxen tuji vakhannʼnniPrithumechea konnxea-konnxea meren pavta.
Tuzo uzvo hat nitivontponnan bhorla.
11 Tujea nitichea nirnnoi-ank lagon,Sion Dongor khuxal zaum, Judachim nogram* sontosbhorit zaum.
12 Sionachea soglea vatten bhonvddi marat, tachea sorvbhonvtonnim cholat,Tache gopur mezat.
13 Ieuncheo asat tea pillgenk sangonk mellchem mhunn,Tachea rakhnnechea vontticher* dhean diat,Tachea vhoddlea gopuranchi choukoxi korat.
14 Karonn hoch Dev, sasnachea-sasnak amcho Dev zaun asa.
Sodam-sodankal* to amkam vatt dakhoitolo.
