Stotr 124:1-8
Choddttechem Ek Git. Davidachem git.
124 “Jehova amchea sangata naslo zalear”—Atam Izraelan oxem mhunnom—
2 “Jehova amchea sangata naslo zalear,Jednam lok amcher akromonn korunk utthle,
3 Jednam tancho rag amcher pettlo,Tednam te amkam jivech gillun uddoitole asle.
4 Tednam ami udkant vhanvon voitole asle,Udkachea vhallan lotton voitole asle.
5 Uchamboll zalʼlea udkant ami buddttole asle.
6 Jehovachi vakhannʼnni zaum,Karonn tannem amkam xikar mhunn tanchea tonddant poddonk diunk nant.
7 Ami oslea suknnea sarke asat,Jem xikar korpeachea fasantlean sutton gelam,Fas toddun uddoilo,Ani ami vanchle.
8 Amkam Jehovachea nanvan modot melltta,Zo mollob ani prithumecho Rochnnar* zaun asa.”
Footnotes
^ Vo “Ghoddnnar.”
