Stotr 149:1-9
149 Jah-k vakhannat!*
Jehova pasot ek novem git gaiat,Visvaxi lokanchea sobhent tachi vakhannʼnni korat.
2 Izraelan aplea Vortea Rochnnarak* lagon khuxalkai monounchi,Sionachea putamnim aplea Razak lagon anondbhorit zaunchem.
3 Tannim nachot tachea nanvachi vakhannʼnni korum,Toxench, ddofli* ani kinori* vazoun tachi vakhannʼnni korunk gitam gaum.*
4 Karonn Jehova aplea lokank polloun khuxal zata.
To khaltea lokank taronn diun nettoita.
5 Apleak mellʼllolea mhoimek lagon visvaxi lok khuxal zaum,Te aplea khattir astana khuxalkaien gaum.
6 Tanchea vonttancher Devachea vakhannʼnnechim gitam asum,Ani tanchea hatant donui vatten dar asloli tolvar asum,
7 Jea udexim, te lok raxttrancho sudd ghetole,Ani veg-vegllea desantlea lokank khast ditole.
8 Tanchea razank te sanklleamnim bandtole,Ani tanchea vhoddlea odhikareank te lokhnnacheo beddio ghaltole,
9 Toxench, tanchea pasot boroun dovorloli khast te tankam ditole.
Ho man tachea soglea visvaxi lokank mellttolo.
Jah-k vakhannat!*
Footnotes
^ Vo “Hallelujah!” “Jah” hem Jehova hea nanvachem shortt form zaun asa.
^ Vo “Ghoddnnarak.”
^ Hem ek hatamnim vazoitat toslem chambddeachem songitachem sadhon. Inglez bhaxent “tambourine.”
^ Hi ek vazoupachi vost jika gitara bhaxen tar astat, punn ticho akar gitara bhaxen na. Inglez bhaxent “harp.”
^ Vo “gitam gaun songitachim sadhonam vazoum.”
^ Vo “Hallelujah!” “Jah” hem Jehova hea nanvachem shortt form zaun asa.
