Stotr 116:1-19
116 Hanv Jehovacho mog kortam,Karonn to mhozo tallo aikota,* hanvem modoti pasot kelʼli vinoti to aikota.
2 To mhaka kan dita,*Ani hanv jivo asam tea meren* hanv taka ulo martolom.
3 Mornnachea doriemnim mhaka gherav ghatlo,Fonddan mhaka aplea chopkeant dhorlo.
Sonkoxttan ani dukhan mhaka gherav ghatlo.
4 Punn hanvem Jehovachem nanv gheun ulo marlo:
“Jehova Deva, mhaka vanchoi!”
5 Jehova doie-maien* bhorlolo ani nitivont,Amcho Dev kakuticho.
6 Onnbhov nasloleak Jehova rakhta.
Hanv dukhant samko buddlolom, ani tannem mhaka salvar kelo.
7 Mhojea jivak* porot suseg mellom,Karonn Jehova mhojea thaim doiall ritin vagla.
8 Tunvem mhaka mornna thaun vanchoila,Tunvem mhojea dolleant dukam ieunk diunk na ani mhoje paim addkhollonk diunk na.
9 Hanv jiveanchea desant Jehova mukhar cholot ravtolom.
10 Mhaka bhavarth aslo, dekhun hanv uloilom,Punn khorem mhunnttlear hanv koxtt-dukh sostalom.
11 Hanv samko ghaborlom ani hanvem mhunnttlem:
“Dor ek munis fotting.”
12 Jehovan mhaka jitlem boreponn dakhoilam,Tachea bodlek, hanv taka kitem mhunn farik korum?
13 Hanv taronnacho* pelo hatant ghetolom,Ani hanv Jehovachea nanvan ulo martolom.
14 Hanvem Jehovak kelʼleo angvonneo,Tachea soglea lokam mukhar hanv pallttolom.
15 Jehovache visvaxi sevok mortat tednam,Taka khub dukh bhogta.*
16 Jehova Deva, hanv tuje lagim bhik magtam,Karonn hanv tuzo sevok.
Hanv tuzo sevok, tujea chakornicho put.
Tunvem mhaka mhojea sanklleam thaun suttka dilea.
17 Hanv tuka dhinvasnnecho iodn bhettoitolom,Hanv Jehovachea nanvan ulo martolom.
18 Hanvem Jehovak kelʼleo angvonneo,Tachea soglea lokam mukhar hanv pallttolom,
19 Hanv Jehovachea ghorachea angnnamnim,Jeruzalema, tujea modem hanv teo angvonneo pallttolom.
Jah-k vakhannat!*
Footnotes
^ Vo ghoddie, “Jehova aikota mhunn hanv mog kortam.”
^ Vo “To bagon mhojem aikota.”
^ Utran utor, “Mhojea disamnim.”
^ Vo “movallaien.”
^ Vo “vortea taronnacho.”
^ Utran utor, “Jehovachea nodren tachea visvaxi sevokanchem moronn khub moladik asa.”
^ Vo “Hallelujah!” “Jah” hem Jehova hea nanvachem shortt form zaun asa.
