Stotr 88:1-18

  • Mornna thaun salvar korunk magnnem

    • “Hanv Fonddachea dhodder pavlam” (3)

    • ‘Dor sokallim hanv tujea lagim magnnem kortam’ (13)

Ek git. Korachea putanchem songit. Mukhel songitkarak; Mahalath* riti pormonnem eklean poili voll ani dusrean dusri voll mhunnon hem akʼkhem git gaunchem. Zerachea sonstintlea Hemanachem Maskil.* 88  Jehova, taronn diupi mhojea Deva,Disacho hanv roddttam,Ani ratcho hanv tujea mukhar ietam.  2  Mhojem magnnem tuje lagim pavom,Hanv modoti pasot ulo martam taka kan di.*  3  Karonn mhozo jiv* sonkoxttamnim bhorla,Ani hanv Fonddachea* dhodder pavlam.  4  Hanv moronk pavlolea* bhaxen lok mhaka lekhtat,Hanv samko adar naslolom munis* zalam,  5  Mhaka meloleam sangata soddun dila,Hanv fonddant aslolea moddeam sarko zalam,Zancho tum ugddas korinaAni zankam tuje koddlean koslich modot mellona.  6  Tunvem mhaka sogleam-von khol fonddant,Eka vhoddlea patallant* uddoila, zoim fokot kallokh asa.  7  Tujea krodhachea bharan hanv chiddʼddon gelam,Tujea xoktivont lharamnim tunvem mhaka gherav ghatla. (Selah)  8  Mhojea vollkhichea lokank tunvem mhoje koddlean pois dhanvddaileat,Tunvem mhoji poristhiti oxi kelea ki tankam mhoji vitt ieta. Hanv fasant sampoddlam ani mhaka bhair soronk zaina.  9  Mhojea koxtt-dukhak lagon mhoje dolle oskot zaleat,Jehova Deva, hanv dis-bhor tuka ulo martam,Hanv tujea mukhar mhoje hat posraitam. 10  Meloleam pasot tum ojapachim kamam kortolo kai? Melolim utthon tuji vakhannʼnni korunk xoktat kai? (Selah) 11  Fonddant konnui tujea visvaxi moga vixim,Ani nisonttonachea zagear* tujea visvaxiponna vixim sangtolo kai? 12  Kallkhant tujim ojapachim kamam dison ietolim kai? Vo visron gelʼleanchea desant tujem nitivontponn dison ietolem kai? 13  Tori astana, Jehova Deva, hanv modoti pasot tuka ulo martam,Dor sokallim hanv mhojem magnnem tujea mukhar dovortam. 14  Jehova Deva, tum mhaka kiteak nakarta? Tum mhojea thaun tujem tondd kiteak lipoita? 15  Tornattponnar thaunuch,Hanv koxtt-dukh sostam ani moronk pavlam,Tunvem mhojer ieunk dilolea bhirankull vostunk lagon hanv samko kabar zalam. 16  Tujea zollttea ragan mhaka gherav ghatla,Tujea bhirantik lagon mhozo nas zata. 17  Dis-bhor hi bhirant mhaka udka bhaxen gherav ghalun asa,Soglea vattamnim ti* mhojer akromonn korta. 18  Tunvem mhojea ixttank ani mhojea sangateank mhojea thaun pois dhanvddaun ghatleat,Kallokh atam mhozo sangati zala.

Footnotes

^ Xobdhkox polloi.
^ Xobdhkox polloi.
^ Vo “martam to bagon aik.”
^ Vo “Hanv fonddant pavpachom zalʼlea.”
^ Vo “Hanv boll naslolea munxa sarko.”
^ Mhunnche, kholaiecho thav lagona toslo fondd. Xobdhkox polloi.
^ Vo “Ani Abadon.” Xobdhkox polloi.
^ Vo ghoddie, “Ti ekach borabor.”

Copyrights for this publication