Stotr 27:1-14
Davidachem git.
27 Jehova mhozo uzvadd, ani to mhaka taronn dita.
Tor mhaka konnanchi bhirant?
Jehova mhojea jivitacho kilʼlo.
Tor hanv konnankui kiteak bhieum?
2 Mhaka khaun uddounk vaitt munxamnim mhojer akromonn kelem tednam,Mhoje dusman ani mhozo virodh kortale tech addkhollon poddle.
3 Eke foujen mhojea add tombu ubarlo zalear pasun,Mhojem kalliz bhiechem na.
Mhojea add zhuz suru zalear pasun,Hanv thir astolom.
4 Hanvem Jehova koddlean ekuch vost maglea—Hanv tachich vatt polloitolom—Jehovachem boreponn* pollounkAni tachea mondiracher* upkariponnan* nodor marunk,Mhojea jivitache sogle dis mhaka Jehovachea ghorant ravonk mellchem, hich mhoji itsa.
5 Karonn odruxttachea disa to mhaka aplea asreant lipoitolo,To mhaka aplea tombunt, gupit zagear lipoitolo,To mhaka unch khoddpar dovortolo.
6 Atam, mhaka gherav ghatlolea mhojea dusmanam poros mhoji tokli unch ubarloli asa,Hanv khuxalkaien bob marun tachea tombunt bolidanam bhettoitolom,Hanv Jehovak vakhannʼnnechim gitam gaitolom.*
7 Jehova Deva, hanv ulo martam tednam mhojem aik,Mhaka doia dakhoi ani zobab di.
8 “Mhaka sodh,”* oxem mhunnon tunvem ji adnea dileaTicho hanv mhojea kallzant ugddas kortam.
Jehova Deva, tuka* sodhunk hanvem nichov kela.
9 Mhojea thaun tujem tondd lipoinaka,Tujea sevokak ragan dhanvddainaka,Tum mhozo modot korpi zaun asa.
Mhaka taronn diupi Deva mhaka pois korinaka vo mhaka soddun dinaka.
10 Mhoje avoi-bapain mhaka soddun dilo zalear pasun,Jehova mhaka apnnaitolo.
11 Jehova Deva mhaka tuje vatte vixim xikoi,Dusmanam thaun mhoji rakhonn zaunk mhaka promannikponnachea vatter choloi.
12 Mhaka mhojea dusmananchea hatant dinaka,Karonn mhojea add khotte sakxi ube zaleat,Ani mhaka martole mhunn te dhomki ditat.
13 Jiveanchea desant hanv Jehovachem boreponn polloitolom mhunn mhaka bhavarth naslo zalear,Hanv khoim astolom aslom?*
14 Jehovacher bhorvonso dovor,Dhirvont zav, ani kalliz ghott kor.
Hoi, Jehovacher bhorvonso dovor.
