Stotr 60:1-12

  • Dev dusmanank haroita

    • Munxam thaun melltta tem taronn kainch faideachem nhoi (11)

    • “Deva thaun amkam xokti mellttoli” (12)

Mukhel songitkarak; “Ugddasachem Lily” hea surar gaunchem. Miktam.* Davidachem git. Xikounk lagon. Hem git tea vella voilem asa, jednam Davidan, Aram-naharaim ani Aram-Zobachea fouje sangata zhuz kelʼlem, ani Joaban porot ieun Mittachea Falkeant 12,000 Edomitkarank marun uddoilʼle. 60  Deva, tunvem amkam nakarle, tunvem amkam haroile. Tum amcher ragar aslo, punn atam amkam porot apnnai!  2  Tunvem prithum thorthoraili ani ti doxi keli. Tika poddloleo vero sarkeo kor, karonn ti poddpachi asa.  3  Tunvem tujea lokank tras sosunk laile. Tunvem amkam drakxancho soro pieunk dilo, zaka lagon ami lokonk lagle.  4  Tuji bhirant dhortat tankam pollon vochonk,Ani bann chukounk khunna kor.* (Selah)  5  Tujea uzvea hatan amkam salvar kor ani amkam zobab di,Jea vorvim, tujim mogachim asat tim salvar zatolim.  6  Dev aplea povitrtaien* uloila: “Hanv sontosbhorit zatolom, ani Shekem daiz mhunn ditolom,Ani hanv Sukothachem Falkem* mezun ditolom.  7  Gilead, toxench Manase mhojem,Ani Efraim mhojea matheachem helmett,*Juda mhozo hukum diuncho danddo.  8  Moab mhojem hat-paim dhuvpachem aidon. Edomacher hanv mhojem zotem uddoitolom. Filistiacher zoit melloun vhoddlean zoizoikar kortolom.”  9  Tea gherav ghatlolea* xara lagim mhaka konn vhortolo? Edoma itlo pois mhaka konn vhortolo? 10  Tunch nhoi kai Deva, zannem amkam nakarleant,Amcho Dev, zo atam amchea fouje sangata vochona? 11  Amchea sonkoxttachea vellar amkam modot kor,Karonn munxam thaun melltta tem taronn kainch faideachem nhoi. 12  Deva thaun amkam xokti mellttoli,Ani to amchea dusmanank maddoitolo.

Footnotes

^ Xobdhkox polloi.
^ Vo ghoddie, “keli.”
^ Vo ghoddie, “povitr zagear.”
^ Ho don dongram modlo sokoilo zago. Inglez bhaxent “valley.”
^ Utran utor, “kilʼlo.”
^ Vo ghoddie, “Tea bhonvtonnim ghott durgam aslolea.”

Copyrights for this publication