Stotr 118:1-29
118 Jehovache upkar attoiat, karonn to boro,Tacho visvaxi mog sasnak togta.
2 Atam Izraelan mhunnom:
“Tacho visvaxi mog sasnak togta.”
3 Atam Aronachea ghorannean mhunnom:
“Tacho visvaxi mog sasnak togta.”
4 Atam Jehovachi bhirant dhortoleamnim mhunnom:
“Tacho visvaxi mog sasnak togta.”
5 Mhojea akantachea vellar hanvem Jah-k* ulo marlo,Jah-n mhaka zobab dilo ani eka surokxit zagear* haddlo.
6 Jehova mhojea vatten asa, hanv bhiechom na.
Munis mhaka kitem korunk xokta?
7 Jehova mhojea vatten asa, to mhozo modot korpi,*Mhozo dves korpi hartat tem hanv polloitolom.
8 Munxacher visvas dovorchea poros,Jehova lagim asro ghevop odik borem.
9 Kunvrancher visvas dovorchea poros,Jehova lagim asro ghevop odik borem.
10 Soglea raxttramnim mhaka gherav ghatlo,Punn Jehovachea nanvanHanvem tankam dhanvddaun ghatle.
11 Tannim mhaka gherav ghatlo, hoi, mhaka purnn toren gherav ghatlolo,Punn Jehovachea nanvanHanvem tankam dhanvddaun ghatle.
12 Tannim musam bhaxen mhaka gherav ghatlo,Punn ujeant jhilkuttam rokddinch kabar zaun voitat toxim tim kabar zaun gelim.
Jehovachea nanvanHanvem tankam dhanvddaun ghatle.
13 Hanv poddchom mhunn tannim mhaka forsan dhukolʼlo,*Punn Jehovan mhaka modot keli.
14 Jah mhozo asro ani mhojem boll,Ani to mhojem taronn zala.
15 Nitivont lokanchea tombuntKhuxalkaiecho ani zoitacho* avaz aikonk ieta.
Jehovacho uzvo hat apli xokti dakhoita.
16 Jehovacho uzvo hat unch ubarlolo asa,Jehovacho uzvo hat apli xokti dakhoita.
17 Na, hanv morchom na, hanv jietolom,Jah-chea kamam vixim porgott korunk hanv jietolom.
18 Jah-n mhaka khor xist dilea,Punn tannem mhaka mornnachea hatant diunk na.
19 Mhojea pasot nitivontponnache darvontte ugodd,Hanv tantunt bhitor sortolom ani Jah-k vakhannttolom.
20 Ho Jehovacho darvontto.
Nitivont tantuntlean bhitor voitole.
21 Tunvem mhaka zobab dilo,Ani tum mhojem taronn zala dekhun hanv tuka vakhannttolom.
22 Bandkam korpeamnim zo fator nakarlo,Toch konnxeacho mukhel fator zalo.
23 Hem Jehovan ghoddoun haddlem,Ani tem amchea nodren ojapachem asa.
24 Ho Jehovan tharailʼlo dis,Ami khuxalbhorit ani sontosbhorit zatolim.
25 Jehova, upkar korun amkam salvar kor, ami tuje lagim bhik magtat!
Jehova, upkar korun amkam zoit di!
26 Jehovachea nanvan ieta tacher besanv asum,Ami Jehovachea ghora thaun tumkam besanv ditat.
27 Jehova Dev zaun asa,To amkam uzvadd dita.
Hatant talleo gheun porbechea pursanvant hajir zaiat,Vedichea xingam poriant vochat.
28 Tum mhozo Dev, ani hanv tuji vakhannʼnni kortolom,Mhojea Deva, hanv tuji vhoddvik kortolom.
29 Jehovache upkar attoiat karonn to boro,Tacho visvaxi mog sasnak togta.
