Stotr 92:1-15
Ek songit. Sabathachea disa pasot ek git.
92 Jehovache upkar attovop khub borem,Ani Bhov Vortea Deva, tujea nanvachi vakhannʼnni korunk gitam gavop* khub borem,
2 Sokallim tujea visvaxi moga vixim,Ani ratchem tujea visvaxiponna vixim kollovop khub borem,
3 Dha taranchem sadhon, ani lute* vazoun,Kinorechea* sobit surar hem kollovop khub borem.
4 Karonn Jehova Deva, tujea kamamnim tunvem mhaka sontosbhorit kela,Tujea hatanchea kamak lagon hanv khuxalkaien bob martam.
5 Jehova Deva, tujim kamam kitlim vortim!
Ani tujim chintnam kitlim khol!
6 Khoinchoch somjikai naslolo munis tim zannam zaunk xokona.
Ani khoinchoch murkh munis hem somzonk xokona:
7 Noxtte munis ranvotti tonna sarke vaddttat,Ani vaitt kamam korpi sogle bhorpur vaddttat zalear pasun,Sasnak tancho nas zatoloch.
8 Punn Jehova Deva, tum sasnak sogleam poros unch asa.
9 Jehova Deva, tuje dusman koxe harleat tem polloi!
Tujea dusmanancho koso nas zatolo tem polloi,Vaitt kortat te sogle hanga-thoim ximpoddttole.
10 Punn eka ranvotti boilak aslolea bolla* bhaxen tum mhojem boll vaddoitolo,Hanv mhojea angak borem tel laitolom.
11 Mhoje dusman hartat tem mhoje dolle polloitole,Akromonn korpi vaitt munis poddttat tem mhoje kan aikotole.
12 Punn nitivont munis khazurachea zhadda bhaxen fultolo,Ani Lebanonachea cedar* zhadda bhaxen vaddon vhoddlo zatolo.
13 Jehovachea ghorant tankam laileat,Amchea Devachea angnnamnim te bore vaddttat.
14 Zanntte piraier* pasun, eka zhadda bhaxen te khub follam ditole,Te urbebhorit astole ani bholaiken bore urtole,
15 Ani Jehova promannik mhunn te porgottʼttole.
To mhojem Khoddop, tachea bhitor koslench onitivontponn na.
Footnotes
^ Vo “gitam gaun songitachim sadhonam vazovop.”
^ Vo “tar aslolem ek torechem sadon.”
^ Hi ek vazoupachi vost jika gitara bhaxen tar astat, punn ticho akar gitara bhaxen na. Inglez bhaxent “harp.”
^ Utran utor, “xinga.”
^ Vo “devdar.” Eke torechem vhoddlem zhadd.
^ Vo “Kens piklea uprant.”
