Stotr 97:1-12
97 Jehova Raza zala!
Prithum khuxal zaum.
Sogle zunve sontosbhorit zaum.
2 Kupam ani datt kallokh tachea sorvbhonvtonnim asa,Nitivontponn ani neai tachea xinvasonachi buniad zaun asa.
3 Uzo tachea fuddem voita,Tachea soglea vatten aslolea tachea dusmanancho to bhosm korun uddoita.
4 Tachea zoglanchea uzvaddan prithumer uzvadd zata,Prithum hem polloita ani thorthorta.
5 Porvot Jehova mukhar menna bhaxen pigollttat,Akʼkhea prithumechea Dhonia mukhar te pigollttat.
6 Mollob tachem nitivontponn kollit korta,Ani veg-vegllea desantle sogle lok tachi mhoima polloitat.
7 Khoinchea-i kantoilʼlea murtechi bhokti kortat tea sogleanchi loz zaum,Je aplea valor naslolea devanchi boddai martat tanchi loz zaum.
Soglea devamno, tachea mukhar man bagoiat.*
8 Jehova Deva, tujea nitichea nirnnoi-ank lagon,Sion aikota ani khuxal zata,Judachim xaram* sontosbhorit asat.
9 Karonn Jehova Deva, tum akʼkhe prithumecher Bhov Vorto zaun asa,Soglea dusrea devam poros tum khub vorto.
10 Jehovacho mog kortoleamno, vaittacho dves korat.
To aplea visvaxi lokanchea jivachi rakhonn korta,To tankam noxtteanchea hatantlo* vanchoita.
11 Nitivonta pasot uzvadd fankla,Ani promannik kallzachim munxam khuxal zatat.
12 Nitivont lokamno, Jehovak lagon khuxal zaiat,Ani tachea povitr nanvache upkar attoiat.
