Stotr 142:1-7
Maskil.* David dholint aslo tea vella voilem git. Ek magnnem.
142 Jehovak hanv modoti pasot ulo martam,Doia dakhoi mhunn hanv Jehova lagim vinoti kortam.
2 Hanv taka mhoje sogle uske sangtam,Mhojea soglea trasam vixim hanv taka sangtam.
3 Mhojem boll unnem zata tednam,Tum mhojea vattecher nodor dovorta.
Hanv jea vatter choltam,Thoim mhoje dusman mhojea pasot fas manddun dovortat.
4 Mhojea uzvea hatak polloi,Konnankuch mhoji porva na.*
Mhaka pollon vochonk khoinch zago na,Mhojem konnankuch poddlolem na.
5 Jehova Deva, hanv tuka modoti pasot ulo martam.
Hanv mhunnttam: “Tunch mhozo asro,Jiveanchea desant, tujea bogor mhojea lagim anik kainch na.”*
6 Hanv modoti pasot ulo martam tacher dhean di,Karonn hanv samko trasant poddlam.
Dhumallo ditoleam thaun mhaka vanchoi,Karonn te mhojea poros bollixtt asat.
7 Tujea nanvachi vakhannʼnni korunkHea kallkhi kuddantlo mhaka bhair hadd.
Nitivont lok mhojea bhonvtonnim ektthaim zaumKaronn tum mhojea sangata doiallaien vagta.
