Stotr 137:1-9
137 Ami Babilonachea nhoim-enchea deger bostale.
Sionacho ugddas korun ami roddttale.
2 Thoim* aslolea zhaddancher,*Ami amcheo kinoreo* lamboitale.
3 Amkam koidi korun vhelʼle tannim amkam ek git gaunk lailem,Amcheo moskoreo kortale tannim apleak khuxal korunk oxem sanglem:
“Amchea pasot Sionachem ek git gaiat.”
4 Porkea desant,Ami Jehovachem git koxem gaunk xoktat?
5 Jeruzalema, hanv tuka visorlom zalear,Mhozo uzvo hat aplem soglem kam visrom.*
6 Hanv tuzo ugddas korina zalear,Jeruzalem mhojea khuxalkaiechemSogleant vhoddlem karonn mhunn hanv manina zalear,Mhoji jib mhojea talliek chittkom.
7 Jehova Deva, Jeruzalem poddlem tednamEdomitkaramnim kitem mhunnttlem tem ugddas kor:
“Moddun uddoiat! Tacheo buniadi pasun moddun uddoiat!”
8 Babilonachea dhuve, tujem beginuch nisontton zaunchem asa,Tunvem amkam tras dilʼle,Toslech tras tujer haddtta, to khuxal astolo.
9 Tujea bhurgeank tuje koddlean kaddtta,Ani tankam khoddpancher xevttun marta, to khuxal astolo.
Footnotes
^ Hem Babilonak suchit korta.
^ Hea utrak uzar kelʼlem Hebrev utor eka zhaddak uzar kelam jem sompeponnim nhoim-chea deger melltta. Inglez bhaxent “poplar.”
^ Hi ek vazoupachi vost jika gitara bhaxen tar astat, punn ticho akar gitara bhaxen na. Inglez bhaxent “harp.”
^ Vo ghoddie, “hat sukon vochom.”
