Stotr 63:1-11

  • Devak axevop

    • “Jivita poros tuzo visvaxi mog chodd moladik” (3)

    • “Sogleant boro vantto mellʼlla dekhun hanv dhadoxi” (5)

    • Ratchea vellar hanv Deva vixim niall kortam (6)

    • ‘Hanv Devak chittkon asam’ (8)

Davidachem songit, hem tea vella voilem git jednam to Judachea ranvott vattarant aslo. 63  Deva, tum mhozo Dev, hanv tuka sodhit asam. Hanv tujea pasot tanelam. Padd zalʼlea ani sukea zomnir, zoim udkacho ekui thembo na,Thoim hanv tuka itlo axelam ki hanv ghunvoll ieun poddonk pavlam.  2  Tor hanvem tuka tujea povitr zagear polloilo,Hanvem tujem boll ani tuji mhoima polloili.  3  Jivita poros tuzo visvaxi mog chodd moladik asa,Taka lagon, mhoje vontt tuji mhoima kortole.  4  Tor hanv jivitbhor tuji vakhannʼnni kortolom,Hanv mhoje hat ubarun tujea nanvan ulo martolom.  5  Boreantlo-boro ani sogleant boro vantto mellʼlla dekhun hanv dhadoxi zalam,Tor mhoje vontt khuxalkaien tuji vakhannʼnni kortole.  6  Mhoje khattir astana hanv tuzo ugddas kortam,Ratchea vellar hanv tujea vixim niall kortam.  7  Karonn tum mhozo modot korpi,Ani hanv tujea pakhotteanchea savllent khuxalkaien bob martam.  8  Hanv tuka chittkon asam,Tuzo uzvo hat mhaka ghott dhorun asa.  9  Punn mhozo jiv kaddunk* sodhtat tePrithumechea kholaiek voitole. 10  Te tolvarichea hatant poddttole,Te koleam* pasot jevonn zatole. 11  Punn Devan aplea pasot jem kelam taka lagon raza khuxal zatolo. Devacho soput gheta to dor ek munis sontosbhorit zatolo,*Karonn to fott martat tanchem tondd bond kortolo.

Footnotes

^ Vo “mhaka jivexim marunk.”
^ Vo “kolsunneam.” Inglez bhaxent “jackal.”
^ Vo “munis boddai martolo.”

Copyrights for this publication