Stotr 42:1-11

  • Vorto Salvar Korpi zalʼlean Devache upkar attovop

    • Horonn udkak taneta toxem Deva pasot tanevop (1, 2)

    • “Hanv itlo niraxi kiteak asam?” (5, 11)

    • “Devachi vatt polloi” (5, 11)

Mukhel songitkarak. Korachea putanchem Maskil.* 42  Horonn* zoxem vhanvtea zhorichea udkak taneta,Toso Deva, hanv tujea pasot tanelam.  2  Hanv* Deva pasot, jivea Deva pasot tanelʼlo asam. Hanv kednam vochon Deva mukhar ubo ravtolom?  3  Dis-rat mhojea dolleantlean vhanvtat tim dukam mhojem jevonn zaleant,Akʼkho dis lok mhaka tomnne marun mhunnttat: “Tuzo Dev khoim asa?”  4  Te dis kitle bore asle, jednam hanv zaitea zannam sangata cholon voitalom,Devachea ghorant voitana hanv tanchea mukhar sovkas-sovkas* choltalom,Khuxal zaun, vhoddlean Devache upkar attoit,Porob monoitolea zomea bhaxen ami soglim voitalim,Hem soglem ugddas korun mhojem kalliz hanv tujea mukhar votoitam.  5  Hanv* itlom niraxi kiteak asam? Hanv bhitorlean itlom uchamboll kiteak zalam? Devachi vatt polloi,Karonn mhozo Vorto Salvar Korpi mhunn hanv tachi vakhannʼnni korit ravtolom.  6  Mhojea Deva, hanv khub niraxi asam. Taka lagon, hanv Jordan vattara thaunAni Hermon porvotanchea tengxer thaun,Mizar Dongra* thaun tuzo ugddas kortam.  7  Tujea ghos-ghoxeamnim vhanvtolea udkachea avazanKhol doria, khol doriak ulo korta. Tujea soglea bollixtt lharamnim hanv buddlam.  8  Disacho Jehova mhaka tacho visvaxi mog dakhoitolo,Ani ratchem tachem git mhojea vonttancher astolem, Mhaka jivit dilam tea Devak hanv magnnem kortolom.  9  Hanv Devak, mhojea vhoddlea khoddpak mhunnttolom: “Tum mhaka kiteak visorla? Mhojea dusmanachea zulumak lagon hanvem dukhi zaun kiteak bhonvchem?” 10  Mhoje dusman mhaka jivexim marunk sodhtat ani te* mhaka tomnne martat,Akʼkho dis te mhaka tomnne marun mhunnttat: “Tuzo Dev khoim asa?” 11  Hanv* itlom niraxi kiteak asam? Hanv bhitorlean itlom uchamboll kiteak zalam? Devachi vatt polloi,Karonn mhozo Vorto Salvar Korpi ani mhozo Dev mhunn hanv tachi vakhannʼnni korit ravtolom.

Footnotes

^ Xobdhkox polloi.
^ Vo “Merum.”
^ Vo “Mhozo jiv.”
^ Vo “vhodd manan.”
^ Vo “Mhozo jiv.”
^ Vo “Lhan dongra.”
^ Vo ghoddie, “Mhoje dusman mhojea haddancho churo kelʼlea bhaxen.”
^ Vo “Mhozo jiv.”

Copyrights for this publication