Stotr 148:1-14
148 Jah-k vakhannat!*
Sorgar thaun Jehovak vakhannat,Unch-unch zageancher taka vakhannat.
2 Tachea soglea devdutamno, tachi vakhannʼnni korat.
Tache sogle fouje, tachi vakhannʼnni korat.
3 Suria ani chondrima, tachi vakhannʼnni korat.
Jhigjhigtolea soglea noketramno, tachi vakhannʼnni korat.
4 Sogleant unchlea mollbamno,Ani tanchea voir aslolea udkamno, tachi vakhannʼnni korat.
5 Tannim Jehovachea nanvachi vakhannʼnni korum,Karonn tannem adnea dili, ani tim rochun ailim.
6 To tankam sasna pasot thir korta,Tannem ek hukum dila zo kednanch kaddun uddounk zaunchona.
7 Prithumer thaun Jehovachi vakhannʼnni korat,Doriant ravpi vhoddlea pranneamno ani soglea khol doriamno,
8 Zoglamno ani korveamno, borfamno ani datt kupamno,Tachi adnea pallpi vadollachea vareamno,
9 Porvotamno ani soglea dongramno,Follam diupi zhaddamno ani soglea cedar* zhaddamno,
10 Ranvotti zonvaramno ani soglea poslolea zonvaramno,Pott goxttun choltolea pranneamno ani pakhotte aslolea suknneamno,
11 Prithume voilea razamno ani soglea raxttramno,Kunvramno ani prithume voilea neai korpi soglea odhikareamno,
12 Tornattea cheddeamno ani tornattea cheddvamno,*Zanntteamno ani nentteamno, sogle mellon tachi vakhannʼnni korat.
13 Tannim sogleamnim Jehovachea nanvachi vakhannʼnni korum,Karonn fokot tachench nanv sogleant unch asa.
Tachem vorteponn prithume poros ani sorga poros unch asa.
14 Aplea soglea visvaxi lokanchi vakhannʼnni zaunchi mhunn,Izraelachea putanchi, aplea lagim lagxilʼli ixttagot aslolea lokanchi vakhannʼnni zaunchi mhunn,To aplea lokanchem boll* vaddoitolo.
Jah-k vakhannat!*
