Stotr 11:1-7

  • Jehova thaim asro ghevop

    • “Jehova aplea povitr mondirant asa” (4)

    • Hinvsecho mog kortoleacho Dev dves korta (5)

Mukhel songitkarak. Davidachem git. 11  Hanvem Jehova thaim asro ghetla. Tor tumi mhaka koxe mhunnonk xoktat: “Suknnea bhaxen porvotar pollon voch!  2  Noxtteamnim aplo dhonu koso bagoun dovorla tem polloi. Promannik kallzachea lokancher, kallkhantlean marunkTe aplo bann soddunk toiar ravtat.  3  Jednam buniadi* moddun uddoitat,Tednam nitivont munis kitem korunk xokta?”  4  Jehova aplea povitr mondirant asa. Jehovachem xinvason sorgar asa. Tache dolle soglem polloitat, tachi barik nodor munxachea putank topasta.  5  Jehova nitivont munxak ani tosoch noxttea munxak topasta,Hinvsecho mog kortoleancho* to dves korta.  6  To noxtteancher fasancho* paus dhaddttolo. Tanchea peleant uzo, zolltta tosle fator* ani hulpaun uddoita toslem gorom varem astolem.  7  Jehova nitivont asa, to nitivont kamancho mog korta. Promannik asat tim tachem tondd polloitolim.*

Footnotes

^ Vo “neai-acheo buniadi.”
^ Vo “Maramari korunk avoddttoleancho.”
^ Vo ghoddie, “inglleancho.”
^ Vo “gondhok.” Inglez bhaxent “sulfur.”
^ Vo “tacho favor onnbhovtolim.”

Copyrights for this publication