Stotr 150:1-6
150 Jah-k vakhannat!*
Devachea povitr zagear tachi vakhannʼnni korat.
Mollbar tachi vakhannʼnni korat, jem tachea bollachi govai dita.
2 Tachea xoktivont kamam pasot tachi vakhannʼnni korat.
Tachea mit-mer naslolea vorteponnak lagon tachi vakhannʼnni korat.
3 Xing* vazoun tachi vakhannʼnni korat.
Tar aslolem sadhon ani kinori* vazoun tachi vakhannʼnni korat.
4 Ddofli* vazoun ani nachon* tachi vakhannʼnni korat.
Tar aslolim sadhonam ani basuri* vazoun tachi vakhannʼnni korat.
5 Vazta tea kansallechea* avazar tachi vakhannʼnni korat.
Kinn-kinn korun vazta tea kansallechea avazar tachi vakhannʼnni korat.
6 Svas gheupi dor ek jiv Jah-chi vakhannʼnni korum.
Jah-k vakhannat!*
Footnotes
^ Vo “Hallelujah!” “Jah” hem Jehova hea nanvachem shortt form zaun asa.
^ Hi ek vazoupachi vost jika gitara bhaxen tar astat, punn ticho akar gitara bhaxen na. Inglez bhaxent “harp.”
^ Hem ek hatamnim vazoitat toslem chambddeachem songitachem sadhon. Inglez bhaxent “tambourine.”
^ Vo “gol gherav ghalun nachon.”
^ Inglez bhaxent “flute.”
^ Vazoupacheo vostu jeo gol astat ani vazoitana kinn-kinn avaz kortat.
^ Vo “Hallelujah!” “Jah” hem Jehova hea nanvachem shortt form zaun asa.
