Stotr 2:1-12
2 Raxttram ragan kiteak bhorleant,Ani lok polkea vostu vixim kiteak gunngunnttat?*
2 Jehova ani tachea makhlolea* addPrithume voile raza ube ravtat,Ani vhoddle-vhoddle odhikari ektthaim ietat.*
3 Te mhunnttat: “Ami tancheo sanklleo toddun uddoum-ia,Ami tancheo dorio katrun uddoum-ia!”
4 Sorgar xinvasonar boson asa to tankam hanstolo,Jehova tanchim fokannam kortolo.
5 Tea vellar ragan to tanchea lagim uloitolo,Ani tachea zollttea krodhak lagon te bhietole.
6 To mhunnttolo: “Hanvem svota mhojea razak xinvasonar bosoila,Taka hanvem Sionacher, mhojea povitr dongracher bosoila.”
7 Hanv Jehovachem formonn kolloitolom,Tannem mhaka mhunnttlem: “Tum mhozo put,Ani aiz hanv tuzo bapui zalam.
8 Mhoje lagim mag, ani hanv tuka raxttram daiz mhunn ditolom,Ani akʼkhi prithum tuka ditolom.
9 Tum lokhnnachea danddean* tankam moddun uddoitolo,Ani tim matiechem aidon zalʼlea bhaxen, tum tancho churo korun uddoitolo.”
10 Tor atam razamno, kholaiechi somjikai dakhoiat,Prithumechea neai korpeamno, xist* manun gheiat.
11 Jehovachi bhirant dhorun tachi seva korat,Taka kallzant thaun man diat ani khuxal zaiat.
12 Putak man* diat, na zalear Devacho* rag pettʼttolo,Ani tumi nitivontponnachea vatte voile kabar zaun voitole,Karonn tacho rag rokddoch choddtta.
Tachea thaim asro ghetat tim soglim khuxal.
