Stotr 31:1-24
Mukhel songitkarak. Davidachem songit.
31 Jehova Deva, hanvem tujea thaim asro ghetla.
Mhaka kednanch lojek poddonk dinaka.
Tujea nitivontponnak lagon mhaka vanchoi.
2 Mhaka kan di.*
Mhaka vanchounk begin ieo.
Mhojea pasot porvotar ek surokxit asro zav,Mhaka salvar korunk ek ghott kilʼlo zav.
3 Karonn tum mhojea pasot ek vhoddlem khoddop ani mhozo ghott kilʼlo zaun asa,Tujea nanva pasot tum mhaka vatt dakhoitolo ani margdorxon ditolo.
4 Mhojea dusmanamnim guptim manddlolea zallantlean mhaka soddoi,Karonn tum mhozo kilʼlo.
5 Hanv mhozo jiv tujea hatant ghaltam.
Jehova Deva, sotachea* Deva, tunvem mhaka soddoila.
6 Kainch valor naslolea ani polkea murteanchi bhokti kortat tancho hanv dves kortam,Punn hanv zalear, Jehovacher visvas dovortam.
7 Hanv tujea visvaxi mogak lagon sontosbhorit zatolom,Karonn tunvem mhojem dukh polloilam,Mhaka kitle tras zatat tem tum zannam.
8 Tunvem mhaka dusmanachea tabeant diunk na.
Punn tunvem mhaka surokxit* zagear ubo kela.
9 Jehova Deva, mhoji kakut kor, karonn hanv trasant poddlam.
Khontik lagon mhoje dolle, ani toxich mhoji akʼkhi kudd oskot zalea.
10 Dukhak lagon mhojem jivit kabar zalam,Ani pirgon-pirgon mhojim vorsam kabar zaleant.
Mhojea guneanvak lagon mhojem boll unnem zata,Mhojim haddam oskot zatat.
11 Mhoje sogle dusman, chodd korun mhoje xezari,Mhaka valor naslolea bhaxen lekhtat,Mhoje vollkhiche lok mhaka bhietat,Mhaka vatter polloina fuddem, te mhojea thaun pollon voitat.
12 Tannim mhaka aplea kallzantlo* kaddun uddoila ani melʼlea munxak visortat toxe te mhaka visorleat,Hanv funttlolea aidona bhaxen zalam.
13 Hanvem mhojea vixim zaiteo vaitt khobro aikoleat,Bhirant mhaka veddo ghalun ravta.
Te ektthaim zaun mhojea add ube ravtat tednam,Te mhozo jiv kaddunk manddnneo kortat.
14 Punn Jehova Deva, hanv tujer visvas dovortam.
“Tum mhozo Dev,” mhunn hanv porgott kortam.
15 Mhojem jivit tujea hatant asa.
Mhojea dusmanam thaun ani mhaka sotaitat tanchea thaun mhaka vanchoi.
16 Tujea sevokacher tujea mukhamollacho* uzvadd fankoi,*Tujea visvaxi mogak lagon mhaka salvar kor.
17 Jehova Deva, hanv tuka ulo martam tednam mhaka lojek ghalinaka,Noxtte lojek poddom,Fonddant* te vogi zaum.
18 Fott martat tanchi tonddam bond zaum,Je gorvan bhoron, nitivontank valor naslolea bhaxen lekhtat ani ragan tanchea add uloitat te mone zaum.
19 Deva, kitlem vortem tujem boreponn!
Je tuji bhirant dhortat tanchea pasot tunvem tem dovorlam,Ani tujea thaim asro ghetat tankam tunvem tem soglea munxam mukhar dakhoilam.
20 Tum tankam munxanchea manddnneam thaun rakhonkTujea sorxim eka gupit zagear lipoun dovortolo.
Tancho opman kortolea* munxam thaun rakhonkTum tankam tujea asreant lipoun dovortolo.
21 Jehovachi vakhannʼnni zaum,Karonn hanv veddo ghatlolea xarant aslom tednam tannem mhaka ojapachea ritin aplo visvaxi mog dakhoilo.
22 Hanv samko bhielom ani hanvem mhunnttlem:
“Tujea dolleam mukhar hanv moron voitolom.”
Punn hanvem modoti pasot tuka ulo marlo tednam tunvem mhoji vinoti aikoli.
23 Jehovak visvaxi aslolea soglea lokamno, tacho mog korat!
Visvaxi asat tankam Jehova rakhta,Punn gorvixtt asat tankam to koddok khast diun farikponn dita.
24 Jehovachi vatt polloitoleamno,Dhirvont zaiat ani tumchem kalliz ghott korat.
