Stotr 115:1-18
115 Amchi nhoi Jehova Deva, amchi nhoi,*Punn tujea nanvachi mhoima kor,Tujea visvaxi mogak lagon ani visvaxiponnak lagon oxem kor.
2 Raxttramnim oxem kiteak mhunnchem:
“Tancho Dev khoim asa?”
3 Amcho Dev sorgar asa,Apleak zai tem to korta.
4 Tancheo murteo chandicheo ani bhangracheo,Munxamnim aplea hatamnim ghoddloleo.
5 Tankam tondd asa, punn teo ulounk xokonant,Dolle asat, punn teo pollounk xokonant.
6 Tankam kan asat, punn teo aikonk xokonant.
Nak asa, punn teo vas gheunk xokonant.
7 Tankam hat asat, punn teo kainch korunk xokonant,Paim asat, punn teo cholonk xokonant,Tanchea golleantlean kosloch avaz bhair sorona.
8 Tankam toiar kortat te, toxench tancher visvas dovortat te sogle lok,Tancheach bhaxen zatole.
9 Izraela, Jehovacher visvas dovor—To tancho adar ani tanchi ddhal.
10 Aronachea ghorannea, Jehovacher visvas dovor—To tancho adar ani tanchi ddhal.
11 Jehovachi bhirant dhortat tea lokamno, Jehovacher visvas dovrat—To tancho adar ani tanchi ddhal.
12 Jehova amcho ugddas dovorta ani to amkam besanv ditolo,To Izraelachea ghoranneak besanv ditolo,To Aronachea ghoranneak besanv ditolo,
13 Jehovachi bhirant dhortat tankam to besanv ditolo,Lhanank toxench vhoddank to besanv ditolo.
14 Jehova tumcho ankddo vaddoitolo,Tumcho ani tumchea bhurgeancho* ankddo vaddoitolo.
15 Jehova tumkam besanv dium,Mollob ani prithumecho Rochnnar* tumkam besanv dium.
16 Sorg tor, Jehovacho zaun asa,Punn prithum tannem munxanchea putank dilea.
17 Meleant tim Jah-chi vakhannʼnni korinant,Toxench sokol fonddant* voitat tim tachi vakhannʼnni korunk xokonant.
18 Punn ami atam thaun sodam-sodankal,Jah-chi vakhannʼnni kortolim.
Jah-k vakhannat!*
