Stotr 3:1-8

  • Dhoko aslear pasun Jehovacher visvas dovrop

    • ‘Mhoje dusman itle kiteak?’ (1)

    • “Jehova, tum taronn diupi zaun asa” (8)

David aplo put Absaloma thaun pollon voitalo, tea vellar toiar kelʼlem Davidachem songit. 3  Jehova Deva, mhoje dusman itle kiteak vaddleat? Itle lok mhojea add kiteak ube ravleat?  2  Zaite lok mhojea vixim mhunnttat: “Dev taka salvar korchona.” (Selah)*  3  Punn tum Jehova, mhojea bhonvtonnim ek ddhal zaun asa,Tum mhoji mhoima zaun asa, ani tum mhoji tokli voir ubarta.  4  Hanv vhoddlean Jehovak ulo martolom,Ani to mhaka aplea povitr porvotar thaun zobab ditolo. (Selah)  5  Hanv add poddon sust nhidtolom,Ani hanv surokxit uttʼttholom,Karonn Jehova mhaka tenko di-it asa.  6  Soglea vatten mhojea add hozaranche-hozar ube ravleat,Tankam hanv bhiechom na.  7  Jehova Deva, utth!* Mhojea Deva, mhaka salvar kor! Karonn tum mhojea soglea dusmananchim daddam* foddttolo,Ani noxtteanche dant moddttolo.  8  Jehova, tum taronn diupi zaun asa. Tujem besanv tujea lokancher asta. (Selah)

Footnotes

^ Xobdhkox polloi.
^ Vo “panvl ghe.”
^ Inglez bhaxent “jaw.”

Copyrights for this publication