Salmo 39:1-13
Ngadto sa direktor; sa Jedutun.*+ Salmo ni David.
39 Ako miingon: “Bantayan nako ang akong lakangAron dili ko makasala pinaagi sa akong dila.+
Busalan nako ang akong baba+Samtang may tawong daotan sa akong atubangan.”
2 Naamang ko ug naghilom;+Nagpakahilom gihapon ko bisan bahin sa butang nga maayo,
Apan grabe kaayo* ang akong kasakit.
3 Ang akong kasingkasing daw kabutohon* na.
Samtang namalandong* ko, ang kalayo padayong nagdilaab.
Unya ang akong dila misulti:
4 “Oh Jehova, pahibaloa ko kon unsa unyay akong kataposan,Ug ang gidaghanon sa akong mga adlaw,+Aron mahibalo ko kon unsa ka mubo ang akong kinabuhi.*
5 Sa pagkatinuod, gihimo nimong diyutay* ang akong mga adlaw;+Ang gitas-on sa akong kinabuhi daw wala ra sa imong atubangan.+
Gani, ang matag tawo sama ra sa usa ka gininhawa, bisan pag daw anaa siya sa kasegurohan.+ (Selah)
6 Sa pagkatinuod, ang matag tawo maglakawlakaw nga samag anino.
Manglimbasog siya pag-ayo* sa wala ray kapuslanan.
Magtigom siyag bahandi, nga wala mahibalo kon kinsay magpahimulos niini.+
7 Nan, unsay akong malaoman, Oh Jehova?
Ikaw ang akong bugtong paglaom.
8 Luwasa ko gikan sa tanan nakong kalapasan.+
Ayawg itugot nga tamayon ko sa buangbuang.
9 Nagpabilin kong amang;Dili nako mabuka ang akong baba,+Kay ikaw ang nagpahinabo niining tanan.+
10 Kuhaa ang hampak nga imong gihatag kanako.
Naluya ko kay ang imong kamot naghampak kanako.
11 Tul-iron nimo ang tawo pinaagig silot alang sa iyang kasaypanan;+Kutkoton nimo ang mga butang nga bililhon kaniya sama sa ginahimo sa insekto.
Sa pagkatinuod, ang matag tawo maoy usa lamang ka gininhawa.+ (Selah)
12 Dungga ang akong pag-ampo, Oh Jehova,Pamatia ang akong pagtuaw alang sa tabang.+
Ayawg ibalewala ang akong mga luha.
Kay alang kanimo ako usa lamang ka langyawng residente,+Usa ka magpapanaw nga molabay lang,* sama sa tanan nakong katigulangan.+
13 Ayaw kog tutoki uban ang kasuko, aron malipay ko pag-usabSa dili pa ko mamatay ug mahanaw.”
