Salmo 93:1-5

  • Halangdong pagmando ni Jehova

    • “Si Jehova nahimong Hari!” (1)

    • “Ang imong mga pahinumdom kasaligan” (5)

93  Si Jehova nahimong Hari!+ Gibestihan siya ug kahalangdon;Si Jehova gibestihan ug kusog;Gisul-ob niya kini samag bakos. Ang yuta* lig-ong pagkatukod;Kini dili matarog.*  2  Ang imong trono lig-ong natukod sukad pa kanhi;+Ikaw walay sinugdanan.+  3  Ang mga suba mibul-og, Oh Jehova,Ang mga suba mibul-og ug nagdaguok;Ang mga suba padayong mibul-og ug nagdahunog.  4  Mas kusgan pa kay sa tingog sa daghang katubigan,Mas gamhanan pa kay sa naglagapak nga mga balod sa dagat,+Si Jehova halangdon sa kahitas-an.+  5  Ang imong mga pahinumdom kasaligan kaayo.+ Ang pagkabalaan nagdayandayan* sa imong balay,+ Oh Jehova, sa tanang panahon.

Mga Footnote

^ O “mabungahong yuta.”
^ O “matay-og.”
^ O “angayan.”

Mga copyright niini nga publikasyon